[๑๔๓๒] ยโต ปฏิฆานุสยํ ปริชานาติ ตโต มานานุสยํ ปริชานาตีติ: โน ฯ ยโต วา ปน มานานุสยํ ปริชานาติ ตโต ปฏิฆานุสยํ ปริชานาตีติ: โน ฯ ยโต ปฏิฆานุสยํ ปริชานาติ ตโต ทิฏฺฐานุสยํ ฯเปฯ วิจิกิจฺฉานุสยํ ปริชานาตีติ: อามนฺตา ฯ ยโต วา ปน วิจิกิจฺฉานุสยํ ปริชานาติ ตโต ปฏิฆานุสยํ ปริชานาตีติ: กามธาตุยา ทฺวีสุ เวทนาสุ รูปธาตุยา อรูปธาตุยา ตโต วิจิกิจฺฉานุสยํ ปริชานาติ โน จ ตโต ปฏิฆานุสยํ ปริชานาติ ทุกฺขาย เวทนาย ตโต วิจิกิจฺฉานุสยญฺจ ปริชานาติ ปฏิฆานุสยญฺจ ปริชานาติ ฯ ยโต ปฏิฆานุสยํ ปริชานาติ ตโต ภวราคานุสยํ ปริชานาตีติ: โน ฯ ยโต วา ปน ภวราคานุสยํ ปริชานาติ ตโต ปฏิฆานุสยํ ปริชานาตีติ: โน ฯ ยโต ปฏิฆานุสยํ ปริชานาติ ตโต อวิชฺชานุสยํ ปริชานาตีติ: อามนฺตา ฯ ยโต วา ปน อวิชฺชานุสยํ ปริชานาติ ตโต ปฏิฆานุสยํ ปริชานาตีติ: กามธาตุยา ทฺวีสุ เวทนาสุ รูปธาตุยา อรูปธาตุยา ตโต อวิชฺชานุสยํ ปริชานาติ โน จ ตโต ปฏิฆานุสยํ ปริชานาติ ทุกฺขาย เวทนาย ตโต อวิชฺชานุสยญฺจ ปริชานาติ ปฏิฆานุสยญฺจ ปริชานาติ ฯ

[๑๔๓๓] ยโต มานานุสยํ ปริชานาติ ตโต ทิฏฺฐานุสยํ ฯเปฯ วิจิกิจฺฉานุสยํ ปริชานาตีติ: อามนฺตา ฯ ยโต วา ปน วิจิกิจฺฉานุสยํ ปริชานาติ ตโต มานานุสยํ ปริชานาตีติ: ทุกฺขาย เวทนาย ตโต วิจิกิจฺฉานุสยํ ปริชานาติ โน จ ตโต มานานุสยํ ปริชานาติ กามธาตุยา ทฺวีสุ เวทนาสุ รูปธาตุยา อรูปธาตุยา ตโต วิจิกิจฺฉานุสยญฺจ ปริชานาติ มานานุสยญฺจ ปริชานาติ ฯ ยโต มานานุสยํ ปริชานาติ ตโต ภวราคานุสยํ ปริชานาตีติ: กามธาตุยา ทฺวีสุ เวทนาสุ ตโต มานานุสยํ ปริชานาติ โน จ ตโต ภวราคานุสยํ ปริชานาติ รูปธาตุยา อรูปธาตุยา ตโต มานานุสยญฺจ ปริชานาติ ภวราคานุสยญฺจ ปริชานาติ ฯ ยโต วา ปน ภวราคานุสยํ ปริชานาติ ตโต มานานุสยํ ปริชานาตีติ: อามนฺตา ฯ ยโต มานานุสยํ ปริชานาติ ตโต อวิชฺชานุสยํ ปริชานาตีติ: อามนฺตา ฯ ยโต วา ปน อวิชฺชานุสยํ ปริชานาติ ตโต มานานุสยํ ปริชานาตีติ: ทุกฺขาย เวทนาย ตโต อวิชฺชานุสยํ ปริชานาติ โน จ ตโต มานานุสยํ ปริชานาติ กามธาตุยา ทฺวีสุ เวทนาสุ รูปธาตุยา อรูปธาตุยา ตโต อวิชฺชานุสยญฺจ ปริชานาติ มานานุสยญฺจ ปริชานาติ ฯ