[๑๔๔๒] โย ยโต กามราคานุสยํ ปริชานาติ โส ตโต ปฏิฆานุสยํ ปริชานาตีติ: โน ฯ โย วา ปน ยโต ปฏิฆานุสยํ ปริชานาติ โส ตโต กามราคานุสยํ ปริชานาตีติ: โน ฯ โย ยโต กามราคานุสยํ ปริชานาติ โส ตโต มานานุสยํ ปริชานาตีติ: ตเทกฏฺฐํ ปริชานาติ ฯ โย วา ปน ยโต มานานุสยํ ปริชานาติ โส ตโต กามราคานุสยํ ปริชานาตีติ: โน ฯ โย ยโต กามราคานุสยํ ปริชานาติ โส ตโต ทิฏฺฐานุสยํ ฯเปฯ วิจิกิจฺฉานุสยํ ปริชานาตีติ: โน ฯ โย วา ปน ยโต วิจิกิจฺฉานุสยํ ปริชานาติ โส ตโต กามราคานุสยํ ปริชานาตีติ: อฏฺฐมโก ทุกฺขาย เวทนาย รูปธาตุยา อรูปธาตุยา โส ตโต วิจิกิจฺฉานุสยํ ปริชานาติ โน จ โส ตโต กามราคานุสยํ ปริชานาติ โสว ปุคฺคโล กามธาตุยา ทฺวีสุ เวทนาสุ โส ตโต วิจิกิจฺฉานุสยํ ปริชานาติ กามราคานุสยํ ตเทกฏฺฐํ ปริชานาติ ฯ โย ยโต กามราคานุสยํ ปริชานาติ โส ตโต ภวราคานุสยํ ปริชานาตีติ: โน ฯ โย วา ปน ยโต ภวราคานุสยํ ปริชานาติ โส ตโต กามราคานุสยํ ปริชานาตีติ: โน ฯ โย ยโต กามราคานุสยํ ปริชานาติ โส ตโต อวิชฺชานุสยํ ปริชานาตีติ: ตเทกฏฺฐํ ปริชานาติ ฯ โย วา ปน ยโต อวิชฺชานุสยํ ปริชานาติ โส ตโต กามราคานุสยํ ปริชานาตีติ: โน ฯ

[๑๔๔๓] โย ยโต ปฏิฆานุสยํ ปริชานาติ โส ตโต มานานุสยํ ปริชานาตีติ: โน ฯ โย วา ปน ยโต มานานุสยํ ปริชานาติ โส ตโต ปฏิฆานุสยํ ปริชานาตีติ: โน ฯ โย ยโต ปฏิฆานุสยํ ปริชานาติ โส ตโต ทิฏฺฐานุสยํ ฯเปฯ วิจิกิจฺฉานุสยํ ปริชานาตีติ: โน ฯ โย วา ปน ยโต วิจิกิจฺฉานุสยํ ปริชานาติ โส ตโต ปฏิฆานุสยํ ปริชานาตีติ: อฏฺฐมโก กามธาตุยา ทฺวีสุ เวทนาสุ รูปธาตุยา อรูปธาตุยา โส ตโต วิจิกิจฺฉานุสยํ ปริชานาติ โน จ โส ตโต ปฏิฆานุสยํ ปริชานาติ โสว ปุคฺคโล ทุกฺขาย เวทนาย โส ตโต วิจิกิจฺฉานุสยํ ปริชานาติ ปฏิฆานุสยํ ตเทกฏฺฐํ ปริชานาติ ฯ โย ยโต ปฏิฆานุสยํ ปริชานาติ โส ตโต ภวราคานุสยํ ปริชานาตีติ: โน ฯ โย วา ปน ยโต ภวราคานุสยํ ปริชานาติ โส ตโต ปฏิฆานุสยํ ปริชานาตีติ: โน ฯ โย ยโต ปฏิฆานุสยํ ปริชานาติ โส ตโต อวิชฺชานุสยํ ปริชานาตีติ: ตเทกฏฺฐํ ปริชานาติ ฯ โย วา ปน ยโต อวิชฺชานุสยํ ปริชานาติ โส ตโต ปฏิฆานุสยํ ปริชานาตีติ: โน ฯ