[๑๔๕๓] โย กามราคานุสยํ น ปริชานาติ โส ปฏิฆานุสยํ น ปริชานาตีติ: อามนฺตา ฯ โย วา ปน ปฏิฆานุสยํ น ปริชานาติ โส กามราคานุสยํ น ปริชานาตีติ: อามนฺตา ฯ โย กามราคานุสยํ น ปริชานาติ โส มานานุสยํ น ปริชานาตีติ: อคฺคมคฺคสมงฺคี กามราคานุสยํ น ปริชานาติ โน จ มานานุสยํ น ปริชานาติ ทฺวินฺนํ มคฺคสมงฺคีนํ ฐเปตฺวา อวเสสา ปุคฺคลา กามราคานุสยญฺจ น ปริชานนฺติ มานานุสยญฺจ น ปริชานนฺติ ฯ โย วา ปน มานานุสยํ น ปริชานาติ โส กามราคานุสยํ น ปริชานาตีติ: อนาคามิมคฺคสมงฺคี มานานุสยํ น ปริชานาติ โน จ กามราคานุสยํ น ปริชานาติ ทฺวินฺนํ มคฺคสมงฺคีนํ ฐเปตฺวา อวเสสา ปุคฺคลา มานานุสยญฺจ น ปริชานนฺติ กามราคานุสยญฺจ น ปริชานนฺติ ฯ โย กามราคานุสยํ น ปริชานาติ โส ทิฏฺฐานุสยํ ฯเปฯ วิจิกิจฺฉานุสยํ น ปริชานาตีติ: อฏฺฐมโก กามราคานุสยํ น ปริชานาติ โน จ วิจิกิจฺฉานุสยํ น ปริชานาติ อนาคามิมคฺคสมงฺคิญฺจ อฏฺฐมกญฺจ ฐเปตฺวา อวเสสา ปุคฺคลา กามราคานุสยญฺจ น ปริชานนฺติ วิจิกิจฺฉานุสยญฺจ น ปริชานนฺติ ฯ โย วา ปน วิจิกิจฺฉานุสยํ น ปริชานาติ โส กามราคานุสยํ น ปริชานาตีติ: อนาคามิมคฺคสมงฺคี วิจิกิจฺฉานุสยํ น ปริชานาติ โน จ กามราคานุสยํ น ปริชานาติ อนาคามิมคฺคสมงฺคิญฺจ อฏฺฐมกญฺจ ฐเปตฺวา อวเสสา ปุคฺคลา วิจิกิจฺฉานุสยญฺจ น ปริชานนฺติ กามราคานุสยญฺจ น ปริชานนฺติ ฯ โย กามราคานุสยํ น ปริชานาติ โส ภวราคานุสยํ ฯเปฯ อวิชฺชานุสยํ น ปริชานาตีติ: อคฺคมคฺคสมงฺคี กามราคานุสยํ น ปริชานาติ โน จ อวิชฺชานุสยํ น ปริชานาติ ทฺวินฺนํ มคฺคสมงฺคีนํ ฐเปตฺวา อวเสสา ปุคฺคลา กามราคานุสยญฺจ น ปริชานนฺติ อวิชฺชานุสยญฺจ น ปริชานนฺติ ฯ โย วา ปน อวิชฺชานุสยํ น ปริชานาติ โส กามราคานุสยํ น ปริชานาตีติ: อนาคามิมคฺคสมงฺคี อวิชฺชานุสยํ น ปริชานาติ โน จ กามราคานุสยํ น ปริชานาติ ทฺวินฺนํ มคฺคสมงฺคีนํ ฐเปตฺวา อวเสสา ปุคฺคลา อวิชฺชานุสยญฺจ น ปริชานนฺติ กามราคานุสยญฺจ น ปริชานนฺติ ฯ