[๑๔๕๖] โย ทิฏฺฐานุสยํ น ปริชานาติ โส วิจิกิจฺฉานุสยํ น ปริชานาตีติ: อามนฺตา ฯ โย วา ปน วิจิกิจฺฉานุสยํ น ปริชานาติ โส ทิฏฺฐานุสยํ น ปริชานาตีติ: อามนฺตา ฯเปฯ

[๑๔๕๗] โย วิจิกิจฺฉานุสยํ น ปริชานาติ โส ภวราคานุสยํ ฯเปฯ อวิชฺชานุสยํ น ปริชานาตีติ: อคฺคมคฺคสมงฺคี วิจิกิจฺฉานุสยํ น ปริชานาติ โน จ อวิชฺชานุสยํ น ปริชานาติ อคฺคมคฺคสมงฺคิญฺจ อฏฺฐมกญฺจ ฐเปตฺวา อวเสสา ปุคฺคลา วิจิกิจฺฉานุสยญฺจ น ปริชานนฺติ อวิชฺชานุสยญฺจ น ปริชานนฺติ ฯ โย วา ปน อวิชฺชานุสยํ น ปริชานาติ โส วิจิกิจฺฉานุสยํ น ปริชานาตีติ: อฏฺฐมโก อวิชฺชานุสยํ น ปริชานาติ โน จ วิจิกิจฺฉานุสยํ น ปริชานาติ อคฺคมคฺคสมงฺคิญฺจ อฏฺฐมกญฺจ ฐเปตฺวา อวเสสา ปุคฺคลา อวิชฺชานุสยญฺจ น ปริชานนฺติ วิจิกิจฺฉานุสยญฺจ น ปริชานนฺติ ฯ

[๑๔๕๘] โย ภวราคานุสยํ น ปริชานาติ โส อวิชฺชานุสยํ น ปริชานาตีติ: อามนฺตา ฯ โย วา ปน อวิชฺชานุสยํ น ปริชานาติ โส ภวราคานุสยํ น ปริชานาตีติ: อามนฺตา ฯ

[๑๔๕๙] โย กามราคานุสยญฺจ ปฏิฆานุสยญฺจ น ปริชานาติ โส มานานุสยํ น ปริชานาตีติ: อคฺคมคฺคสมงฺคี กามราคานุสยญฺจ ปฏิฆานุสยญฺจ น ปริชานาติ โน จ มานานุสยํ น ปริชานาติ ทฺวินฺนํ มคฺคสมงฺคีนํ ฐเปตฺวา อวเสสา ปุคฺคลา กามราคานุสยญฺจ ปฏิฆานุสยญฺจ น ปริชานนฺติ มานานุสยญฺจ น ปริชานนฺติ ฯ โย วา ปน มานานุสยํ น ปริชานาติ โส กามราคานุสยญฺจ ปฏิฆานุสยญฺจ น ปริชานาตีติ: อนาคามิมคฺคสมงฺคี มานานุสยํ น ปริชานาติ โน จ กามราคานุสยญฺจ ปฏิฆานุสยญฺจ น ปริชานาติ ทฺวินฺนํ มคฺคสมงฺคีนํ ฐเปตฺวา อวเสสา ปุคฺคลา มานานุสยญฺจ น ปริชานนฺติ กามราคานุสยญฺจ ปฏิฆานุสยญฺจ น ปริชานนฺติ ฯ โย กามราคานุสยญฺจ ปฏิฆานุสยญฺจ น ปริชานาติ โส ทิฏฺฐานุสยํ ฯเปฯ วิจิกิจฺฉานุสยํ น ปริชานาตีติ: อฏฺฐมโก กามราคานุสยญฺจ ปฏิฆานุสยญฺจ น ปริชานาติ โน จ วิจิกิจฺฉานุสยํ น ปริชานาติ อนาคามิมคฺคสมงฺคิญฺจ อฏฺฐมกญฺจ ฐเปตฺวา อวเสสา ปุคฺคลา กามราคานุสยญฺจ ปฏิฆานุสยญฺจ น ปริชานนฺติ วิจิกิจฺฉานุสยญฺจ น ปริชานนฺติ ฯ โย วา ปน วิจิกิจฺฉานุสยํ น ปริชานาติ โส กามราคานุสยญฺจ ปฏิฆานุสยญฺจ น ปริชานาตีติ: อนาคามิมคฺคสมงฺคี วิจิกิจฺฉานุสยํ น ปริชานาติ โน จ กามราคานุสยญฺจ ปฏิฆานุสยญฺจ น ปริชานาติ อนาคามิมคฺคสมงฺคิญฺจ อฏฺฐมกญฺจ ฐเปตฺวา อวเสสา ปุคฺคลา วิจิกิจฺฉานุสยญฺจ น ปริชานนฺติ กามราคานุสยญฺจ ปฏิฆานุสยญฺจ น( ปริชานนฺติ ฯ โย กามราคานุสยญฺจ ปฏิฆานุสยญฺจ น ปริชานาติ โส ภวราคานุสยํ ฯเปฯ อวิชฺชานุสยํ น ปริชานาตีติ: อคฺคมคฺคสมงฺคี กามราคานุสยญฺจ ปฏิฆานุสยญฺจ น ปริชานาติ โน จ อวิชฺชานุสยํ น ปริชานาติ ทฺวินฺนํ มคฺคสมงฺคีนํ ฐเปตฺวา อวเสสา ปุคฺคลา กามราคานุสยญฺจ ปฏิฆานุสยญฺจ น ปริชานนฺติ อวิชฺชานุสยญฺจ น ปริชานนฺติ ฯ โย วา ปน อวิชฺชานุสยํ น ปริชานาติ โส กามราคานุสยญฺจ ปฏิฆานุสยญฺจ น ปริชานาตีติ: อนาคามิมคฺคสมงฺคี อวิชฺชานุสยํ น ปริชานาติ โน จ กามราคานุสยญฺจ ปฏิฆานุสยญฺจ น ปริชานาติ ทฺวินฺนํ มคฺคสมงฺคีนํ ฐเปตฺวา อวเสสา ปุคฺคลา อวิชฺชานุสยญฺจ น ปริชานนฺติ กามราคานุสยญฺจ ปฏิฆานุสยญฺจ น ปริชานนฺติ ฯ