[๑๔๖๐] โย กามราคานุสยญฺจ ปฏิฆานุสยญฺจ มานานุสยญฺจ น ปริชานาติ โส ทิฏฺฐานุสยํ ฯเปฯ วิจิกิจฺฉานุสยํ น ปริชานาตีติ: อฏฺฐมโก กามราคานุสยญฺจ ปฏิฆานุสยญฺจ มานานุสยญฺจ น ปริชานาติ โน จ วิจิกิจฺฉานุสยํ น ปริชานาติ ทฺวินฺนํ มคฺคสมงฺคีนญฺจ อฏฺฐมกญฺจ ฐเปตฺวา อวเสสา ปุคฺคลา กามราคานุสยญฺจ ปฏิฆานุสยญฺจ มานานุสยญฺจ น ปริชานนฺติ วิจิกิจฺฉานุสยญฺจ น ปริชานนฺติ ฯ โย วา ปน วิจิกิจฺฉานุสยํ น ปริชานาติ โส กามราคานุสยญฺจ ปฏิฆานุสยญฺจ มานานุสยญฺจ น ปริชานาตีติ: อนาคามิมคฺคสมงฺคี วิจิกิจฺฉานุสยญฺจ มานานุสยญฺจ น ปริชานาติ โน จ กามราคานุสยญฺจ ปฏิฆานุสยญฺจ น ปริชานาติ อคฺคมคฺคสมงฺคี วิจิกิจฺฉานุสยญฺจ กามราคานุสยญฺจ ปฏิฆานุสยญฺจ น ปริชานาติ โน จ มานานุสยํ น ปริชานาติ ทฺวินฺนํ มคฺคสมงฺคีนญฺจ อฏฺฐมกญฺจ ฐเปตฺวา อวเสสา ปุคฺคลา วิจิกิจฺฉานุสยญฺจ น ปริชานนฺติ กามราคานุสยญฺจ ปฏิฆานุสยญฺจ มานานุสยญฺจ น ปริชานนฺติ ฯ โย กามราคานุสยญฺจ ปฏิฆานุสยญฺจ มานานุสยญฺจ น ปริชานาติ โส ภวราคานุสยํ ฯเปฯ อวิชฺชานุสยํ น ปริชานาตีติ: อามนฺตา ฯ โย วา ปน อวิชฺชานุสยํ น ปริชานาติ โส กามราคานุสยญฺจ ปฏิฆานุสยญฺจ มานานุสยญฺจ น ปริชานาตีติ: อนาคามิมคฺคสมงฺคี อวิชฺชานุสยญฺจ มานานุสยญฺจ น ปริชานาติ โน จ กามราคานุสยญฺจ ปฏิฆานุสยญฺจ น ปริชานาติ ทฺวินฺนํ มคฺคสมงฺคีนํ ฐเปตฺวา อวเสสา ปุคฺคลา อวิชฺชานุสยญฺจ น ปริชานนฺติ กามราคานุสยญฺจ ปฏิฆานุสยญฺจ มานานุสยญฺจ น ปริชานนฺติ ฯ

[๑๔๖๑] โย กามราคานุสยญฺจ ปฏิฆานุสยญฺจ มานานุสยญฺจ ทิฏฺฐานุสยญฺจ น ปริชานาติ โส วิจิกิจฺฉานุสยํ น ปริชานาตีติ: อามนฺตา ฯ โย วา ปน วิจิกิจฺฉานุสยํ น ปริชานาติ โส กามราคานุสยญฺจ ปฏิฆานุสยญฺจ มานานุสยญฺจ ทิฏฺฐานุสยญฺจ น ปริชานาตีติ: อนาคามิมคฺคสมงฺคี วิจิกิจฺฉานุสยญฺจ มานานุสยญฺจ ทิฏฺฐานุสยญฺจ น ปริชานาติ โน จ กามราคานุสยญฺจ ปฏิฆานุสยญฺจ น ปริชานาติ อคฺคมคฺคสมงฺคี วิจิกิจฺฉานุสยญฺจ กามราคานุสยญฺจ ปฏิฆานุสยญฺจ ทิฏฺฐานุสยญฺจ น ปริชานาติ โน จ มานานุสยํ น ปริชานาติ ทฺวินฺนํ มคฺคสมงฺคีนญฺจ อฏฺฐมกญฺจ ฐเปตฺวา อวเสสา ปุคฺคลา วิจิกิจฺฉานุสยญฺจ น ปริชานนฺติ กามราคานุสยญฺจ ปฏิฆานุสยญฺจ มานานุสยญฺจ ทิฏฺฐานุสยญฺจ น ปริชานนฺติ ฯเปฯ