[๑๔๖๒] โย กามราคานุสยญฺจ ปฏิฆานุสยญฺจ มานานุสยญฺจ ทิฏฺฐานุสยญฺจ วิจิกิจฺฉานุสยญฺจ น ปริชานาติ โส ภวราคานุสยํ ฯเปฯ อวิชฺชานุสยํ น ปริชานาตีติ: อามนฺตา ฯ โย วา ปน อวิชฺชานุสยํ น ปริชานาติ โส กามราคานุสยญฺจ ปฏิฆานุสยญฺจ มานานุสยญฺจ ทิฏฺฐานุสยญฺจ วิจิกิจฺฉานุสยญฺจ น ปริชานาตีติ: อฏฺฐมโก อวิชฺชานุสยญฺจ กามราคานุสยญฺจ ปฏิฆานุสยญฺจ มานานุสยญฺจ น ปริชานาติ โน จ ทิฏฺฐานุสยญฺจ วิจิกิจฺฉานุสยญฺจ น ปริชานาติ อนาคามิมคฺคสมงฺคี อวิชฺชานุสยญฺจ มานานุสยญฺจ ทิฏฺฐานุสยญฺจ วิจิกิจฺฉานุสยญฺจ น ปริชานาติ โน จ กามราคานุสยญฺจ ปฏิฆานุสยญฺจ น ปริชานาติ ทฺวินฺนํ มคฺคสมงฺคีนญฺจ อฏฺฐมกญฺจ ฐเปตฺวา อวเสสา ปุคฺคลา อวิชฺชานุสยญฺจ น ปริชานนฺติ กามราคานุสยญฺจ ปฏิฆานุสยญฺจ มานานุสยญฺจ ทิฏฺฐานุสยญฺจ วิจิกิจฺฉานุสยญฺจ น ปริชานนฺติ ฯ

[๑๔๖๓] โย กามราคานุสยญฺจ ปฏิฆานุสยญฺจ มานานุสยญฺจ ทิฏฺฐานุสยญฺจ วิจิกิจฺฉานุสยญฺจ ภวราคานุสยญฺจ น ปริชานาติ โส อวิชฺชานุสยํ น ปริชานาตีติ: อามนฺตา ฯ โย วา ปน อวิชฺชานุสยํ น ปริชานาติ โส กามราคานุสยญฺจ ปฏิฆานุสยญฺจ มานานุสยญฺจ ทิฏฺฐานุสยญฺจ วิจิกิจฺฉานุสยญฺจ ภวราคานุสยญฺจ น ปริชานาตีติ: อฏฺฐมโก อวิชฺชานุสยญฺจ กามราคานุสยญฺจ ปฏิฆานุสยญฺจ มานานุสยญฺจ ภวราคานุสยญฺจ น ปริชานาติ โน จ ทิฏฺฐานุสยญฺจ วิจิกิจฺฉานุสยญฺจ น ปริชานาติ อนาคามิมคฺคสมงฺคี อวิชฺชานุสยญฺจ มานานุสยญฺจ ทิฏฺฐานุสยญฺจ วิจิกิจฺฉานุสยญฺจ ภวราคานุสยญฺจ น ปริชานาติ โน จ กามราคานุสยญฺจ ปฏิฆานุสยญฺจ น ปริชานาติ ทฺวินฺนํ มคฺคสมงฺคีนญฺจ อฏฺฐมกญฺจ ฐเปตฺวา อวเสสา ปุคฺคลา อวิชฺชานุสยญฺจ น ปริชานนฺติ กามราคานุสยญฺจ ปฏิฆานุสยญฺจ มานานุสยญฺจ ทิฏฺฐานุสยญฺจ วิจิกิจฺฉานุสยญฺจ ภวราคานุสยญฺจ น ปริชานนฺติ ฯ

[๑๔๖๔] ยโต กามราคานุสยํ น ปริชานาติ ตโต ปฏิฆานุสยํ น ปริชานาตีติ: ทุกฺขาย เวทนาย ตโต กามราคานุสยํ น ปริชานาติ โน จ ตโต ปฏิฆานุสยํ น ปริชานาติ รูปธาตุยา อรูปธาตุยา อปริยาปนฺเน ตโต กามราคานุสยญฺจ น ปริชานาติ ปฏิฆานุสยญฺจ น ปริชานาติ ฯ ยโต วา ปน ปฏิฆานุสยํ น ปริชานาติ ตโต กามราคานุสยํ น ปริชานาตีติ: กามธาตุยา ทฺวีสุ เวทนาสุ ตโต ปฏิฆานุสยํ น ปริชานาติ โน จ ตโต กามราคานุสยํ น ปริชานาติ รูปธาตุยา อรูปธาตุยา อปริยาปนฺเน ตโต ปฏิฆานุสยญฺจ น ปริชานาติ กามราคานุสยญฺจ น ปริชานาติ ฯ ยโต กามราคานุสยํ น ปริชานาติ ตโต มานานุสยํ น ปริชานาตีติ: รูปธาตุยา อรูปธาตุยา ตโต กามราคานุสยํ น ปริชานาติ โน จ ตโต มานานุสยํ น ปริชานาติ ทุกฺขาย เวทนาย อปริยาปนฺเน ตโต กามราคานุสยญฺจ น ปริชานาติ มานานุสยญฺจ น ปริชานาติ ฯ ยโต วา ปน มานานุสยํ น ปริชานาติ ตโต กามราคานุสยํ น ปริชานาตีติ: อามนฺตา ฯ ยโต กามราคานุสยํ น ปริชานาติ ตโต ทิฏฺฐานุสยํ ฯเปฯ วิจิกิจฺฉานุสยํ น ปริชานาตีติ: ทุกฺขาย เวทนาย รูปธาตุยา อรูปธาตุยา ตโต กามราคานุสยํ น ปริชานาติ โน จ ตโต วิจิกิจฺฉานุสยํ น ปริชานาติ อปริยาปนฺเน ตโต กามราคานุสยญฺจ น ปริชานาติ วิจิกิจฺฉานุสยญฺจ น ปริชานาติ ฯ ยโต วา ปน วิจิกิจฺฉานุสยํ น ปริชานาติ ตโต กามราคานุสยํ น ปริชานาตีติ: อามนฺตา ฯ ยโต กามราคานุสยํ น ปริชานาติ ตโต ภวราคานุสยํ น ปริชานาตีติ: รูปธาตุยา อรูปธาตุยา ตโต กามราคานุสยํ น ปริชานาติ โน จ ตโต ภวราคานุสยํ น ปริชานาติ ทุกฺขาย เวทนาย อปริยาปนฺเน ตโต กามราคานุสยญฺจ น ปริชานาติ ภวราคานุสยญฺจ น ปริชานาติ ฯ ยโต วา ปน ภวราคานุสยํ น ปริชานาติ ตโต กามราคานุสยํ น ปริชานาตีติ: กามธาตุยา ทฺวีสุ เวทนาสุ ตโต ภวราคานุสยํ น ปริชานาติ โน จ ตโต กามราคานุสยํ น ปริชานาติ ทุกฺขาย เวทนาย อปริยาปนฺเน ตโต ภวราคานุสยญฺจ น ปริชานาติ กามราคานุสยญฺจ น ปริชานาติ ฯ ยโต กามราคานุสยํ น ปริชานาติ ตโต อวิชฺชานุสยํ น ปริชานาตีติ: ทุกฺขาย เวทนาย รูปธาตุยา อรูปธาตุยา ตโต กามราคานุสยํ น ปริชานาติ โน จ ตโต อวิชฺชานุสยํ น ปริชานาติ อปริยาปนฺเน ตโต กามราคานุสยญฺจ น ปริชานาติ อวิชฺชานุสยญฺจ น ปริชานาติ ฯ ยโต วา ปน อวิชฺชานุสยํ น ปริชานาติ ตโต กามราคานุสยํ น ปริชานาตีติ: อามนฺตา ฯ