[๑๔๖๕] ยโต ปฏิฆานุสยํ น ปริชานาติ ตโต มานานุสยํ น ปริชานาตีติ: กามธาตุยา ทฺวีสุ เวทนาสุ รูปธาตุยา อรูปธาตุยา ตโต ปฏิฆานุสยํ น ปริชานาติ โน จ ตโต มานานุสยํ น ปริชานาติ อปริยาปนฺเน ตโต ปฏิฆานุสยญฺจ น ปริชานาติ มานานุสยญฺจ น ปริชานาติ ฯ ยโต วา ปน มานานุสยํ น ปริชานาติ ตโต ปฏิฆานุสยํ น ปริชานาตีติ: ทุกฺขาย เวทนาย ตโต มานานุสยํ น ปริชานาติ โน จ ตโต ปฏิฆานุสยํ น ปริชานาติ อปริยาปนฺเน ตโต มานานุสยญฺจ น ปริชานาติ ปฏิฆานุสยญฺจ น ปริชานาติ ฯ ยโต ปฏิฆานุสยํ น ปริชานาติ ตโต ทิฏฺฐานุสยํ ฯเปฯ วิจิกิจฺฉานุสยํ น ปริชานาตีติ: กามธาตุยา ทฺวีสุ เวทนาสุ รูปธาตุยา อรูปธาตุยา ตโต ปฏิฆานุสยํ น ปริชานาติ โน จ ตโต วิจิกิจฺฉานุสยํ น ปริชานาติ อปริยาปนฺเน ตโต ปฏิฆานุสยญฺจ น ปริชานาติ วิจิกิจฺฉานุสยญฺจ น ปริชานาติ ฯ ยโต วา ปน วิจิกิจฺฉานุสยํ น ปริชานาติ ตโต ปฏิฆานุสยํ น ปริชานาตีติ: อามนฺตา ฯ ยโต ปฏิฆานุสยํ น ปริชานาติ ตโต ภวราคานุสยํ น ปริชานาตีติ: รูปธาตุยา อรูปธาตุยา ตโต ปฏิฆานุสยํ น ปริชานาติ โน จ ตโต ภวราคานุสยํ น ปริชานาติ กามธาตุยา ทฺวีสุ เวทนาสุ อปริยาปนฺเน ตโต ปฏิฆานุสยญฺจ น ปริชานาติ ภวราคานุสยญฺจ น ปริชานาติ ฯ ยโต วา ปน ภวราคานุสยํ น ปริชานาติ ตโต ปฏิฆานุสยํ น ปริชานาตีติ: ทุกฺขาย เวทนาย ตโต ภวราคานุสยํ น ปริชานาติ โน จ ตโต ปฏิฆานุสยํ น ปริชานาติ กามธาตุยา ทฺวีสุ เวทนาสุ อปริยาปนฺเน ตโต ภวราคานุสยญฺจ น ปริชานาติ ปฏิฆานุสยญฺจ น ปริชานาติ ฯ ยโต ปฏิฆานุสยํ น ปริชานาติ ตโต อวิชฺชานุสยํ น ปริชานาตีติ: กามธาตุยา ทฺวีสุ เวทนาสุ รูปธาตุยา อรูปธาตุยา ตโต ปฏิฆานุสยํ น ปริชานาติ โน จ ตโต อวิชฺชานุสยํ น ปริชานาติ อปริยาปนฺเน ตโต ปฏิฆานุสยญฺจ น ปริชานาติ อวิชฺชานุสยญฺจ น ปริชานาติ ฯ ยโต วา ปน อวิชฺชานุสยํ น ปริชานาติ ตโต ปฏิฆานุสยํ น ปริชานาตีติ: อามนฺตา ฯ

[๑๔๖๖] ยโต มานานุสยํ น ปริชานาติ ตโต ทิฏฺฐานุสยํ ฯเปฯ วิจิกิจฺฉานุสยํ น ปริชานาตีติ: ทุกฺขาย เวทนาย ตโต มานานุสยํ น ปริชานาติ โน จ ตโต วิจิกิจฺฉานุสยํ น ปริชานาติ อปริยาปนฺเน ตโต มานานุสยญฺจ น ปริชานาติ วิจิกิจฺฉานุสยญฺจ น ปริชานาติ ฯ ยโต วา ปน วิจิกิจฺฉานุสยํ น ปริชานาติ ตโต มานานุสยํ น ปริชานาตีติ: อามนฺตา ฯ ยโต มานานุสยํ น ปริชานาติ ตโต ภวราคานุสยํ น ปริชานาตีติ: อามนฺตา ฯ ยโต วา ปน ภวราคานุสยํ น ปริชานาติ ตโต มานานุสยํ น ปริชานาตีติ: กามธาตุยา ทฺวีสุ เวทนาสุ ตโต ภวราคานุสยํ น ปริชานาติ โน จ ตโต มานานุสยํ น ปริชานาติ ทุกฺขาย เวทนาย อปริยาปนฺเน ตโต ภวราคานุสยญฺจ น ปริชานาติ มานานุสยญฺจ น ปริชานาติ ฯ ยโต มานานุสยํ น ปริชานาติ ตโต อวิชฺชานุสยํ น ปริชานาตีติ: ทุกฺขาย เวทนาย ตโต มานานุสยํ น ปริชานาติ โน จ ตโต อวิชฺชานุสยํ น ปริชานาติ อปริยาปนฺเน ตโต มานานุสยญฺจ น ปริชานาติ อวิชฺชานุสยญฺจ น ปริชานาติ ฯ ยโต วา ปน อวิชฺชานุสยํ น ปริชานาติ ตโต มานานุสยํ น ปริชานาตีติ: อามนฺตา ฯ