[๑๔๖๗] ยโต ทิฏฺฐานุสยํ น ปริชานาติ ตโต วิจิกิจฺฉานุสยํ น ปริชานาตีติ: อามนฺตา ฯ ยโต วา ปน วิจิกิจฺฉานุสยํ น ปริชานาติ ตโต ทิฏฺฐานุสยํน ปริชานาตีติ: อามนฺตา ฯเปฯ

[๑๔๖๘] ยโต วิจิกิจฺฉานุสยํ น ปริชานาติ ตโต ภวราคานุสยํ น ปริชานาตีติ: อามนฺตา ฯ ยโต วา ปน ภวราคานุสยํ น ปริชานาติ ตโต วิจิกิจฺฉานุสยํ น ปริชานาตีติ: กามธาตุยา ตีสุ เวทนาสุ ตโต ภวราคานุสยํ น ปริชานาติ โน จ ตโต วิจิกิจฺฉานุสยํ น ปริชานาติ อปริยาปนฺเน ตโต ภวราคานุสยญฺจ น ปริชานาติ วิจิกิจฺฉานุสยญฺจ น ปริชานาติ ฯ ยโต วิจิกิจฺฉานุสยํ น ปริชานาติ ตโต อวิชฺชานุสยํ น ปริชานาตีติ: อามนฺตา ฯ ยโต วา ปน อวิชฺชานุสยํ น ปริชานาติ ตโต วิจิกิจฺฉานุสยํ น ปริชานาตีติ: อามนฺตา ฯ

[๑๔๖๙] ยโต ภวราคานุสยํ น ปริชานาติ ตโต อวิชฺชานุสยํ น ปริชานาตีติ: กามธาตุยา ตีสุ เวทนาสุ ตโต ภวราคานุสยํ น ปริชานาติ โน จ ตโต อวิชฺชานุสยํ น ปริชานาติ อปริยาปนฺเน ตโต ภวราคานุสยญฺจ น ปริชานาติ อวิชฺชานุสยญฺจ น ปริชานาติ ฯ ยโต วา ปน อวิชฺชานุสยํ น ปริชานาติ ตโต ภวราคานุสยํ น ปริชานาตีติ: อามนฺตา ฯ

[๑๔๗๐] ยโต กามราคานุสยญฺจ ปฏิฆานุสยญฺจ น ปริชานาติ ตโต มานานุสยํ น ปริชานาตีติ: รูปธาตุยา อรูปธาตุยา ตโต กามราคานุสยญฺจ ปฏิฆานุสยญฺจ น ปริชานาติ โน จ ตโต มานานุสยํ น ปริชานาติ อปริยาปนฺเน ตโต กามราคานุสยญฺจ ปฏิฆานุสยญฺจ น ปริชานาติ มานานุสยญฺจ น ปริชานาติ ฯ ยโต วา ปน มานานุสยํ น ปริชานาติ ตโต กามราคานุสยญฺจ ปฏิฆานุสยญฺจ น ปริชานาตีติ: ทุกฺขาย เวทนาย ตโต มานานุสยญฺจ กามราคานุสยญฺจ น ปริชานาติ โน จ ตโต ปฏิฆานุสยํ น ปริชานาติ อปริยาปนฺเน ตโต มานานุสยญฺจ น ปริชานาติ กามราคานุสยญฺจ ปฏิฆานุสยญฺจ น ปริชานาติ ฯ ยโต กามราคานุสยญฺจ ปฏิฆานุสยญฺจ น ปริชานาติ ตโต ทิฏฺฐานุสยํ ฯเปฯ วิจิกิจฺฉานุสยํ น ปริชานาตีติ: รูปธาตุยา อรูปธาตุยา ตโต กามราคานุสยญฺจ ปฏิฆานุสยญฺจ น ปริชานาติ โน จ ตโต วิจิกิจฺฉานุสยํ น ปริชานาติ อปริยาปนฺเน ตโต กามราคานุสยญฺจ ปฏิฆานุสยญฺจ น ปริชานาติ วิจิกิจฺฉานุสยญฺจ น ปริชานาติ ฯ ยโต วา ปน วิจิกิจฺฉานุสยํ น ปริชานาติ ตโต กามราคานุสยญฺจ ปฏิฆานุสยญฺจ น ปริชานาตีติ: อามนฺตา ฯ ยโต กามราคานุสยญฺจ ปฏิฆานุสยญฺจ น ปริชานาติ ตโต ภวราคานุสยํ น ปริชานาตีติ: รูปธาตุยา อรูปธาตุยา ตโต กามราคานุสยญฺจ ปฏิฆานุสยญฺจ น ปริชานาติ โน จ ตโต ภวราคานุสยํ น ปริชานาติ อปริยาปนฺเน ตโต กามราคานุสยญฺจ ปฏิฆานุสยญฺจ น ปริชานาติ ภวราคานุสยญฺจ น ปริชานาติ ฯ ยโต วา ปน ภวราคานุสยํ น ปริชานาติ ตโต กามราคานุสยญฺจ ปฏิฆานุสยญฺจ น ปริชานาตีติ: ทุกฺขาย เวทนาย ตโต ภวราคานุสยญฺจ กามราคานุสยญฺจ น ปริชานาติ โน จ ตโต ปฏิฆานุสยํ น ปริชานาติ กามธาตุยา ทฺวีสุ เวทนาสุ ตโต ภวราคานุสยญฺจ ปฏิฆานุสยญฺจ น ปริชานาติ โน จ ตโต กามราคานุสยํ น ปริชานาติ อปริยาปนฺเน ตโต ภวราคานุสยญฺจ น ปริชานาติ กามราคานุสยญฺจ ปฏิฆานุสยญฺจ น ปริชานาติ ฯ ยโต กามราคานุสยญฺจ ปฏิฆานุสยญฺจ น ปริชานาติ ตโต อวิชฺชานุสยํ น ปริชานาตีติ: รูปธาตุยา อรูปธาตุยา ตโต กามราคานุสยญฺจ ปฏิฆานุสยญฺจ น ปริชานาติ โน จ ตโต อวิชฺชานุสยํ น ปริชานาติ อปริยาปนฺเน ตโต กามราคานุสยญฺจ ปฏิฆานุสยญฺจ น ปริชานาติ อวิชฺชานุสยญฺจ น ปริชานาติ ฯ ยโต วา ปน อวิชฺชานุสยํ น ปริชานาติ ตโต กามราคานุสยญฺจ ปฏิฆานุสยญฺจ น ปริชานาตีติ: อามนฺตา ฯ