[๑๔๗๔] ยโต กามราคานุสยญฺจ ปฏิฆานุสยญฺจ มานานุสยญฺจ ทิฏฺฐานุสยญฺจ วิจิกิจฺฉานุสยญฺจ ภวราคานุสยญฺจ น ปริชานาติ ตโต อวิชฺชานุสยํ น ปริชานาตีติ: อามนฺตา ฯ ยโต วา ปน อวิชฺชานุสยํ น ปริชานาติ ตโต กามราคานุสยญฺจ ปฏิฆานุสยญฺจ มานานุสยญฺจ ทิฏฺฐานุสยญฺจ วิจิกิจฺฉานุสยญฺจ ภวราคานุสยญฺจ น ปริชานาตีติ: อามนฺตา ฯ

[๑๔๗๕] โย ยโต กามราคานุสยํ น ปริชานาติ โส ตโต ปฏิฆานุสยํ น ปริชานาตีติ: อนาคามิมคฺคสมงฺคี ทุกฺขาย เวทนาย โส ตโต กามราคานุสยํ น ปริชานาติ โน จ โส ตโต ปฏิฆานุสยํ น ปริชานาติ โสว ปุคฺคโล รูปธาตุยา อรูปธาตุยา อปริยาปนฺเน โส ตโต กามราคานุสยญฺจ น ปริชานาติ ปฏิฆานุสยญฺจ น ปริชานาติ อนาคามิมคฺคสมงฺคึ ฐเปตฺวา อวเสสา ปุคฺคลา สพฺพตฺถ กามราคานุสยญฺจ น ปริชานนฺติ ปฏิฆานุสยญฺจ น ปริชานนฺติ ฯ โย วา ปน ยโต ปฏิฆานุสยํ น ปริชานาติ โส ตโต กามราคานุสยํ น ปริชานาตีติ: อนาคามิมคฺคสมงฺคี กามธาตุยา ทฺวีสุ เวทนาสุ โส ตโต ปฏิฆานุสยํ น ปริชานาติ โน จ โส ตโต กามราคานุสยํ น ปริชานาติ โสว ปุคฺคโล รูปธาตุยา อรูปธาตุยา อปริยาปนฺเน โส ตโต ปฏิฆานุสยญฺจ น ปริชานาติ กามราคานุสยญฺจ น ปริชานาติ อนาคามิมคฺคสมงฺคึ ฐเปตฺวา อวเสสา ปุคฺคลา สพฺพตฺถ ปฏิฆานุสยญฺจ น ปริชานนฺติ กามราคานุสยญฺจ น ปริชานนฺติ ฯ โย ยโต กามราคานุสยํ น ปริชานาติ โส ตโต มานานุสยํ น ปริชานาตีติ: อคฺคมคฺคสมงฺคี กามธาตุยา ทฺวีสุ เวทนาสุ รูปธาตุยา อรูปธาตุยา โส ตโต กามราคานุสยํ น ปริชานาติ โน จ โส ตโต มานานุสยํ น ปริชานาติ โสว ปุคฺคโล ทุกฺขาย เวทนาย อปริยาปนฺเน โส ตโต กามราคานุสยญฺจ น ปริชานาติ มานานุสยญฺจ น ปริชานาติ ทฺวินฺนํ มคฺคสมงฺคีนํ ฐเปตฺวา อวเสสา ปุคฺคลา สพฺพตฺถ กามราคานุสยญฺจ น ปริชานนฺติ มานานุสยญฺจ น ปริชานนฺติ ฯ โย วา ปน ยโต มานานุสยํ น ปริชานาติ โส ตโต กามราคานุสยํ น ปริชานาตีติ: อนาคามิมคฺคสมงฺคี กามธาตุยา ทฺวีสุ เวทนาสุ โส ตโต มานานุสยํ น ปริชานาติ โน จ โส ตโต กามราคานุสยํ น ปริชานาติ โสว ปุคฺคโล ทุกฺขาย เวทนาย รูปธาตุยา อรูปธาตุยา อปริยาปนฺเน โส ตโต มานานุสยญฺจ น ปริชานาติ กามราคานุสยญฺจ น ปริชานาติ ทฺวินฺนํ มคฺคสมงฺคีนํ ฐเปตฺวา อวเสสา ปุคฺคลา สพฺพตฺถ มานานุสยญฺจ น ปริชานนฺติ กามราคานุสยญฺจ น ปริชานนฺติ ฯ โย ยโต กามราคานุสยํ น ปริชานาติ โส ตโต ทิฏฺฐานุสยํ ฯเปฯ วิจิกิจฺฉานุสยํ น ปริชานาตีติ: อฏฺฐมโก กามธาตุยา ตีสุ เวทนาสุ รูปธาตุยา อรูปธาตุยา โส ตโต กามราคานุสยํ น ปริชานาติ โน จ โส ตโต วิจิกิจฺฉานุสยํ น ปริชานาติ โสว ปุคฺคโล อปริยาปนฺเน โส ตโต กามราคานุสยญฺจ น ปริชานาติ วิจิกิจฺฉานุสยญฺจ น ปริชานาติ อนาคามิมคฺคสมงฺคิญฺจ อฏฺฐมกญฺจ ฐเปตฺวา อวเสสา ปุคฺคลา สพฺพตฺถ กามราคานุสยญฺจ น ปริชานนฺติ วิจิกิจฺฉานุสยญฺจ น ปริชานนฺติ ฯ โย วา ปน ยโต วิจิกิจฺฉานุสยํ น ปริชานาติ โส ตโต กามราคานุสยํ น ปริชานาตีติ: อนาคามิมคฺคสมงฺคี กามธาตุยา ทฺวีสุ เวทนาสุ โส ตโต วิจิกิจฺฉานุสยํ น ปริชานาติ โน จ โส ตโต กามราคานุสยํ น ปริชานาติ โสว ปุคฺคโล ทุกฺขาย เวทนาย รูปธาตุยา อรูปธาตุยา อปริยาปนฺเน โส ตโต วิจิกิจฺฉานุสยญฺจ น ปริชานาติ กามราคานุสยญฺจ น ปริชานาติ อนาคามิมคฺคสมงฺคิญฺจ อฏฺฐมกญฺจ ฐเปตฺวา อวเสสา ปุคฺคลา สพฺพตฺถ วิจิกิจฺฉานุสยญฺจ น ปริชานนฺติ กามราคานุสยญฺจ น ปริชานนฺติ ฯ โย ยโต กามราคานุสยํ น ปริชานาติ โส ตโต ภวราคานุสยํ น ปริชานาตีติ: อคฺคมคฺคสมงฺคี รูปธาตุยา อรูปธาตุยา โส ตโต กามราคานุสยํ น ปริชานาติ โน จ โส ตโต ภวราคานุสยํ น ปริชานาติ โสว ปุคฺคโล กามธาตุยา ตีสุ เวทนาสุ อปริยาปนฺเน โส ตโต กามราคานุสยญฺจ น ปริชานาติ ภวราคานุสยญฺจ น ปริชานาติ ทฺวินฺนํ มคฺคสมงฺคีนํ ฐเปตฺวา อวเสสา ปุคฺคลา สพฺพตฺถ กามราคานุสยญฺจ น ปริชานนฺติ ภวราคานุสยญฺจ น ปริชานนฺติ ฯ โย วา ปน ยโต ภวราคานุสยํ น ปริชานาติ โส ตโต กามราคานุสยํ น ปริชานาตีติ: อนาคามิมคฺคสมงฺคี กามธาตุยา ทฺวีสุ เวทนาสุ โส ตโต ภวราคานุสยํ น ปริชานาติ โน จ โส ตโต กามราคานุสยํ น ปริชานาติ โสว ปุคฺคโล ทุกฺขาย เวทนาย รูปธาตุยา อรูปธาตุยา อปริยาปนฺเน โส ตโต ภวราคานุสยญฺจ น ปริชานาติ กามราคานุสยญฺจ น ปริชานาติ ทฺวินฺนํ มคฺคสมงฺคีนํ ฐเปตฺวา อวเสสา ปุคฺคลา สพฺพตฺถ ภวราคานุสยญฺจ น ปริชานนฺติ กามราคานุสยญฺจ น ปริชานนฺติ ฯ โย ยโต กามราคานุสยํ น ปริชานาติ โส ตโต อวิชฺชานุสยํ น ปริชานาตีติ: อคฺคมคฺคสมงฺคี กามธาตุยา ตีสุ เวทนาสุ รูปธาตุยา อรูปธาตุยา โส ตโต กามราคานุสยํ น ปริชานาติ โน จ โส ตโต อวิชฺชานุสยํ น ปริชานาติ โสว ปุคฺคโล อปริยาปนฺเน โส ตโต กามราคานุสยญฺจ น ปริชานาติ อวิชฺชานุสยญฺจ น ปริชานาติ ทฺวินฺนํ มคฺคสมงฺคีนํ ฐเปตฺวา อวเสสา ปุคฺคลา สพฺพตฺถ กามราคานุสยญฺจ น ปริชานนฺติ อวิชฺชานุสยญฺจ น ปริชานนฺติ ฯ โย วา ปน ยโต อวิชฺชานุสยํ น ปริชานาติ โส ตโต กามราคานุสยํ น ปริชานาตีติ: อนาคามิมคฺคสมงฺคี กามธาตุยา ทฺวีสุ เวทนาสุ โส ตโต อวิชฺชานุสยํ น ปริชานาติ โน จ โส ตโต กามราคานุสยํ น ปริชานาติ โสว ปุคฺคโล ทุกฺขาย เวทนาย รูปธาตุยา อรูปธาตุยา อปริยาปนฺเน โส ตโต อวิชฺชานุสยญฺจ น ปริชานาติ กามราคานุสยญฺจ น ปริชานาติ ทฺวินฺนํ มคฺคสมงฺคีนํ ฐเปตฺวา อวเสสา ปุคฺคลา สพฺพตฺถ อวิชฺชานุสยญฺจ น ปริชานนฺติ กามราคานุสยญฺจ น ปริชานนฺติ ฯ