[๑๔๙๘] ยสฺส มานานุสโย ปหีโน ตสฺส ทิฏฺฐานุสโย ฯเปฯ วิจิกิจฺฉานุสโย ปหีโนติ: อามนฺตา ฯ ยสฺส วา ปน วิจิกิจฺฉานุสโย ปหีโน ตสฺส มานานุสโย ปหีโนติ: ติณฺณํ ปุคฺคลานํ วิจิกิจฺฉานุสโย ปหีโน โน จ เตสํ มานานุสโย ปหีโน อรหโต วิจิกิจฺฉานุสโย จ ปหีโน มานานุสโย จ ปหีโน ฯ ยสฺส มานานุสโย ปหีโน ตสฺส ภวราคานุสโย ฯเปฯ อวิชฺชานุสโย ปหีโนติ: อามนฺตา ฯ ยสฺส วา ปน อวิชฺชานุสโย ปหีโน ตสฺส มานานุสโย ปหีโนติ: อามนฺตา ฯ

[๑๔๙๙] ยสฺส ทิฏฺฐานุสโย ปหีโน ตสฺส วิจิกิจฺฉานุสโย ปหีโนติ: อามนฺตา ฯ ยสฺส วา ปน วิจิกิจฺฉานุสโย ปหีโน ตสฺส ทิฏฺฐานุสโย ปหีโนติ: อามนฺตา ฯเปฯ

[๑๕๐๐] ยสฺส วิจิกิจฺฉานุสโย ปหีโน ตสฺส ภวราคานุสโย ฯเปฯ อวิชฺชานุสโย ปหีโนติ: ติณฺณํ ปุคฺคลานํ วิจิกิจฺฉานุสโย ปหีโน โน จ เตสํ อวิชฺชานุสโย ปหีโน อรหโต วิจิกิจฺฉานุสโย จ ปหีโน อวิชฺชานุสโย จ ปหีโน ฯ ยสฺส วา ปน อวิชฺชานุสโย ปหีโน ตสฺส วิจิกิจฺฉานุสโย ปหีโนติ: อามนฺตา ฯ

[๑๕๐๑] ยสฺส ภวราคานุสโย ปหีโน ตสฺส อวิชฺชานุสโย ปหีโนติ: อามนฺตา ฯ ยสฺส วา ปน อวิชฺชานุสโย ปหีโน ตสฺส ภวราคานุสโย ปหีโนติ: อามนฺตา ฯ