[๑๕๑๐] ยตฺถ ทิฏฺฐานุสโย ปหีโน ตตฺถ วิจิกิจฺฉานุสโย ปหีโนติ: อามนฺตา ฯ ยตฺถ วา ปน วิจิกิจฺฉานุสโย ปหีโน ตตฺถ ทิฏฺฐานุสโย ปหีโนติ: อามนฺตา ฯเปฯ

[๑๕๑๑] ยตฺถ วิจิกิจฺฉานุสโย ปหีโน ตตฺถ ภวราคานุสโย ปหีโนติ: กามธาตุยา ตีสุ เวทนาสุ เอตฺถ วิจิกิจฺฉานุสโย ปหีโน ภวราคานุสโย น วตฺตพฺโพ ปหีโนติ วา อปฺปหีโนติ วา รูปธาตุยา อรูปธาตุยา เอตฺถ วิจิกิจฺฉานุสโย จ ปหีโน ภวราคานุสโย จ ปหีโน ฯ ยตฺถ วา ปน ภวราคานุสโย ปหีโน ตตฺถ วิจิกิจฺฉานุสโย ปหีโนติ: อามนฺตา ฯ ยตฺถ วิจิกิจฺฉานุสโย ปหีโน ตตฺถ อวิชฺชานุสโย ปหีโนติ: อามนฺตา ฯ ยตฺถ วา ปน อวิชฺชานุสโย ปหีโน ตตฺถ วิจิกิจฺฉานุสโย ปหีโนติ: อามนฺตา ฯ

[๑๕๑๒] ยตฺถ ภวราคานุสโย ปหีโน ตตฺถ อวิชฺชานุสโย ปหีโนติ: อามนฺตา ฯ ยตฺถ วา ปน อวิชฺชานุสโย ปหีโน ตตฺถ ภวราคานุสโย ปหีโนติ: กามธาตุยา ตีสุ เวทนาสุ เอตฺถ อวิชฺชานุสโย ปหีโน ภวราคานุสโย น วตฺตพฺโพ ปหีโนติ วา อปฺปหีโนติ วา รูปธาตุยา อรูปธาตุยา เอตฺถ อวิชฺชานุสโย จ ปหีโน ภวราคานุสโย จ ปหีโน ฯ

[๑๕๑๓] ยตฺถ กามราคานุสโย จ ปฏิฆานุสโย จ ปหีนา ตตฺถ มานานุสโย ปหีโนติ: นตฺถิ ฯ ยตฺถ วา ปน มานานุสโย ปหีโน ตตฺถ กามราคานุสโย จ ปฏิฆานุสโย จ ปหีนาติ: รูปธาตุยา อรูปธาตุยา เอตฺถ มานานุสโย ปหีโน กามราคานุสโย จ ปฏิฆานุสโย จ น วตฺตพฺพา ปหีนาติ วา อปฺปหีนาติ วา กามธาตุยา ทฺวีสุ เวทนาสุ เอตฺถ มานานุสโย จ กามราคานุสโย จ ปหีนา ปฏิฆานุสโย น วตฺตพฺโพ ปหีโนติ วา อปฺปหีโนติ วา ฯ ยตฺถ กามราคานุสโย จ ปฏิฆานุสโย จ ปหีนา ตตฺถ ทิฏฺฐานุสโย ฯเปฯ วิจิกิจฺฉานุสโย ปหีโนติ: นตฺถิ ฯ ยตฺถ วา ปน วิจิกิจฺฉานุสโย ปหีโน ตตฺถ กามราคานุสโย จ ปฏิฆานุสโย จ ปหีนาติ: รูปธาตุยา อรูปธาตุยา เอตฺถ วิจิกิจฺฉานุสโย ปหีโน กามราคานุสโย จ ปฏิฆานุสโย จ น วตฺตพฺพา ปหีนาติ วา อปฺปหีนาติ วา กามธาตุยา ทฺวีสุ เวทนาสุ เอตฺถ วิจิกิจฺฉานุสโย จ กามราคานุสโย จ ปหีนา ปฏิฆานุสโย น วตฺตพฺโพ ปหีโนติ วา อปฺปหีโนติ วา ทุกฺขาย เวทนาย เอตฺถ วิจิกิจฺฉานุสโย จ ปฏิฆานุสโย จ ปหีนา กามราคานุสโย น วตฺตพฺโพ ปหีโนติ วา อปฺปหีโนติ วา ฯ ยตฺถ กามราคานุสโย จ ปฏิฆานุสโย จ ปหีนา ตตฺถ ภวราคานุสโย ปหีโนติ: นตฺถิ ฯ ยตฺถ วา ปน ภวราคานุสโย ปหีโน ตตฺถ กามราคานุสโย จ ปฏิฆานุสโย จ ปหีนาติ: น วตฺตพฺพา ปหีนาติ วา อปฺปหีนาติ วา ฯ ยตฺถ กามราคานุสโย จ ปฏิฆานุสโย จ ปหีนา ตตฺถ อวิชฺชานุสโย ปหีโนติ: นตฺถิ ฯ ยตฺถ วา ปน อวิชฺชานุสโย ปหีโน ตตฺถ กามราคานุสโย จ ปฏิฆานุสโย จ ปหีนาติ: รูปธาตุยา อรูปธาตุยา เอตฺถ อวิชฺชานุสโย ปหีโน กามราคานุสโย จ ปฏิฆานุสโย จ น วตฺตพฺพา ปหีนาติ วา อปฺปหีนาติ วา กามธาตุยา ทฺวีสุ เวทนาสุ เอตฺถ อวิชฺชานุสโย จ กามราคานุสโย จ ปหีนา ปฏิฆานุสโย น วตฺตพฺโพ ปหีโนติ วา อปฺปหีโนติ วา ทุกฺขาย เวทนาย เอตฺถ อวิชฺชานุสโย จ ปฏิฆานุสโย จ ปหีนา กามราคานุสโย น วตฺตพฺโพ ปหีโนติ วา อปฺปหีโนติ วา ฯ