[๑๕๕๓] ยสฺส ยตฺถ มานานุสโย อปฺปหีโน ตสฺส ตตฺถ ทิฏฺฐานุสโย ฯเปฯ วิจิกิจฺฉานุสโย อปฺปหีโนติ: ติณฺณํ ปุคฺคลานํ กามธาตุยา ทฺวีสุ เวทนาสุ รูปธาตุยา อรูปธาตุยา เตสํ ตตฺถ มานานุสโย อปฺปหีโน โน จ เตสํ ตตฺถ วิจิกิจฺฉานุสโย อปฺปหีโน ปุถุชฺชนสฺส กามธาตุยา ทฺวีสุ เวทนาสุ รูปธาตุยา อรูปธาตุยา ตสฺส ตตฺถ มานานุสโย จ อปฺปหีโน วิจิกิจฺฉานุสโย จ อปฺปหีโน ฯ ยสฺส วา ปน ยตฺถ วิจิกิจฺฉานุสโย อปฺปหีโน ตสฺส ตตฺถ มานานุสโย อปฺปหีโนติ: ปุถุชฺชนสฺส ทุกฺขาย เวทนาย ตสฺส ตตฺถ วิจิกิจฺฉานุสโย อปฺปหีโน มานานุสโย น วตฺตพฺโพ ปหีโนติ วา อปฺปหีโนติ วา ตสฺเสว ปุคฺคลสฺส กามธาตุยา ทฺวีสุ เวทนาสุ รูปธาตุยา อรูปธาตุยา ตสฺส ตตฺถ วิจิกิจฺฉานุสโย จ อปฺปหีโน มานานุสโย จ อปฺปหีโน ฯ ยสฺส ยตฺถ มานานุสโย อปฺปหีโน ตสฺส ตตฺถ ภวราคานุสโย อปฺปหีโนติ: จตุนฺนํ ปุคฺคลานํ กามธาตุยา ทฺวีสุ เวทนาสุ เตสํ ตตฺถ มานานุสโย อปฺปหีโน ภวราคานุสโย น วตฺตพฺโพ ปหีโนติ วา อปฺปหีโนติ วา เตสํเยว ปุคฺคลานํ รูปธาตุยา อรูปธาตุยา เตสํ ตตฺถ มานานุสโย จ อปฺปหีโน ภวราคานุสโย จ อปฺปหีโน ฯ ยสฺส วา ปน ยตฺถ ภวราคานุสโย อปฺปหีโน ตสฺส ตตฺถ มานานุสโย อปฺปหีโนติ: อามนฺตา ฯ ยสฺส ยตฺถ มานานุสโย อปฺปหีโน ตสฺส ตตฺถ อวิชฺชานุสโย อปฺปหีโนติ: อามนฺตา ฯ ยสฺส วา ปน ยตฺถ อวิชฺชานุสโย อปฺปหีโน ตสฺส ตตฺถ มานานุสโย อปฺปหีโนติ: จตุนฺนํ ปุคฺคลานํ ทุกฺขาย เวทนาย เตสํ ตตฺถ อวิชฺชานุสโย อปฺปหีโน มานานุสโย น วตฺตพฺโพ ปหีโนติ วา อปฺปหีโนติ วา เตสํเยว ปุคฺคลานํ กามธาตุยา ทฺวีสุ เวทนาสุ รูปธาตุยา อรูปธาตุยา เตสํ ตตฺถ อวิชฺชานุสโย จ อปฺปหีโน มานานุสโย จ อปฺปหีโน ฯ

[๑๕๕๔] ยสฺส ยตฺถ ทิฏฺฐานุสโย อปฺปหีโน ตสฺส ตตฺถ วิจิกิจฺฉานุสโย อปฺปหีโนติ: อามนฺตา ฯ ยสฺส วา ปน ยตฺถ วิจิกิจฺฉานุสโย อปฺปหีโน ตสฺส ตตฺถ ทิฏฺฐานุสโย อปฺปหีโนติ: อามนฺตา ฯเปฯ