[๑๕๕๘] ยสฺส ยตฺถ กามราคานุสโย จ ปฏิฆานุสโย จ มานานุสโย จ อปฺปหีนา ตสฺส ตตฺถ ทิฏฺฐานุสโย ฯเปฯ วิจิกิจฺฉานุสโย อปฺปหีโนติ: นตฺถิ ฯ ยสฺส วา ปน ยตฺถ วิจิกิจฺฉานุสโย อปฺปหีโน ตสฺส ตตฺถ กามราคานุสโย จ ปฏิฆานุสโย จ มานานุสโย จ อปฺปหีนาติ: ปุถุชฺชนสฺส รูปธาตุยา อรูปธาตุยา ตสฺส ตตฺถ วิจิกิจฺฉานุสโย จ มานานุสโย จ อปฺปหีนา กามราคานุสโย จ ปฏิฆานุสโย จ น วตฺตพฺพา ปหีนาติ วา อปฺปหีนาติ วา ตสฺเสว ปุคฺคลสฺส กามธาตุยา ทฺวีสุ เวทนาสุ ตสฺส ตตฺถ วิจิกิจฺฉานุสโย จ กามราคานุสโย จ มานานุสโย จ อปฺปหีนา ปฏิฆานุสโย น วตฺตพฺโพ ปหีโนติ วา อปฺปหีโนติ วา ตสฺเสว ปุคฺคลสฺส ทุกฺขาย เวทนาย ตสฺส ตตฺถ วิจิกิจฺฉานุสโย จ ปฏิฆานุสโย จ อปฺปหีนา กามราคานุสโย จ มานานุสโย จ น วตฺตพฺพา ปหีนาติ วา อปฺปหีนาติ วา ฯ ยสฺส ยตฺถ กามราคานุสโย จ ปฏิฆานุสโย จ มานานุสโย จ อปฺปหีนา ตสฺส ตตฺถ ภวราคานุสโย อปฺปหีโนติ: นตฺถิ ฯ ยสฺส วา ปน ยตฺถ ภวราคานุสโย อปฺปหีโน ตสฺส ตตฺถ กามราคานุสโย จ ปฏิฆานุสโย จ มานานุสโย จ อปฺปหีนาติ: มานานุสโย อปฺปหีโน กามราคานุสโย จ ปฏิฆานุสโย จ น วตฺตพฺพา ปหีนาติ วา อปฺปหีนาติ วา ฯ ยสฺส ยตฺถ กามราคานุสโย จ ปฏิฆานุสโย จ มานานุสโย จ อปฺปหีนา ตสฺส ตตฺถ อวิชฺชานุสโย อปฺปหีโนติ: นตฺถิ ฯ ยสฺส วา ปน ยตฺถ อวิชฺชานุสโย อปฺปหีโน ตสฺส ตตฺถ กามราคานุสโย จ ปฏิฆานุสโย จ มานานุสโย จ อปฺปหีนาติ: อนาคามิสฺส รูปธาตุยา อรูปธาตุยา ตสฺส ตตฺถ อวิชฺชานุสโย จ มานานุสโย จ อปฺปหีนา กามราคานุสโย จ ปฏิฆานุสโย จ น วตฺตพฺพา ปหีนาติ วา อปฺปหีนา วา ตสฺเสว ปุคฺคลสฺส กามธาตุยา ทฺวีสุ เวทนาสุ ตสฺส ตตฺถ อวิชฺชานุสโย จ มานานุสโย จ อปฺปหีนา โน จ ตสฺส ตตฺถ กามราคานุสโย อปฺปหีโน ปฏิฆานุสโย น วตฺตพฺโพ ปหีโนติ วา อปฺปหีโนติ วา ตสฺเสว ปุคฺคลสฺส ทุกฺขาย เวทนาย ตสฺส ตตฺถ อวิชฺชานุสโย อปฺปหีโน โน จ ตสฺส ตตฺถ ปฏิฆานุสโย อปฺปหีโน กามราคานุสโย จ มานานุสโย จ น วตฺตพฺพา ปหีนาติ วา อปฺปหีนาติ วา ติณฺณํ ปุคฺคลานํ รูปธาตุยา อรูปธาตุยา เตสํ ตตฺถ อวิชฺชานุสโย จ มานานุสโย จ อปฺปหีนา กามราคานุสโย จ ปฏิฆานุสโย จ น วตฺตพฺพา ปหีนาติ วา อปฺปหีนาติ วา เตสํเยว ปุคฺคลานํ กามธาตุยา ทฺวีสุ เวทนาสุ เตสํ ตตฺถ อวิชฺชานุสโย จ กามราคานุสโย จ มานานุสโย จ อปฺปหีนา ปฏิฆานุสโย น วตฺตพฺโพ ปหีโนติ วา อปฺปหีโนติ วา เตสํเยว ปุคฺคลานํ ทุกฺขาย เวทนาย เตสํ ตตฺถ อวิชฺชานุสโย จ ปฏิฆานุสโย จ อปฺปหีนา กามราคานุสโย จ มานานุสโย จ น วตฺตพฺพา ปหีนาติ วา อปฺปหีนาติ วา ฯ