[๓๔๔] ยสฺส จกฺขายตนํ อุปฺปชฺชิตฺถ ตสฺส ฆานายตนํ ฯเปฯ รูปายตนํ มนายตนํ ธมฺมายตนํ อุปฺปชฺชิตฺถาติ: อามนฺตา ฯ ยสฺส วา ปน ธมฺมายตนํ อุปฺปชฺชิตฺถ ตสฺส จกฺขายตนํ อุปฺปชฺชิตฺถาติ: อามนฺตา ฯเปฯP

[๓๔๕] ยสฺส ฆานายตนํ ฯเปฯ รูปายตนํ มนายตนํ อุปฺปชฺชิตฺถ ตสฺส ธมฺมายตนํ อุปฺปชฺชิตฺถาติ: อามนฺตา ฯ ยสฺส วา ปน ธมฺมายตนํ อุปฺปชฺชิตฺถ ตสฺส มนายตนํ อุปฺปชฺชิตฺถาติ: อามนฺตา ฯ

[๓๔๖] ยตฺถ จกฺขายตนํ อุปฺปชฺชิตฺถ ฯเปฯ (ยตฺถกํ ปจฺจุปฺปนฺเนปิ อตีเตปิ อนาคเตปิ ปจฺจุปฺปนฺเนนาตีเตปิ ปจฺจุปฺปนฺเนนานาคเตปิ อตีเตนานาคเตปิ สพฺพตฺถ สทิสํ อุปฺปชฺชติ อุปฺปชฺชิตฺถาติ นามํ อติเรกํ กาตพฺพํ) ฯ

[๓๔๗] ยสฺส ยตฺถ จกฺขายตนํ อุปฺปชฺชิตฺถ ตสฺส ตตฺถ โสตายตนํ อุปฺปชฺชิตฺถาติ: อามนฺตา ฯ ยสฺส วา ปน ยตฺถ โสตายตนํ อุปฺปชฺชิตฺถ ตสฺส ตตฺถ จกฺขายตนํ อุปฺปชฺชิตฺถาติ: อามนฺตา ฯ