TIPITAKA Volume 38 : PALI ROMAN Abhidhamma Pitaka Vol 5 : Abhi. Yamakaṃ (1) Pavattivāro

[117] Yassa rūpakkhandho uppajjati tassa vedanākkhandho uppajjatīti: asaññasattaṃ uppajjantānaṃ tesaṃ rūpakkhandho uppajjati no ca tesaṃ vedanākkhandho uppajjati pañcavokāraṃ upapajjantānaṃ tesaṃ rūpakkhandho ca uppajjati vedanākkhandho ca uppajjati . Yassa vā pana vedanākkhandho uppajjati tassa rūpakkhandho uppajjatīti: arūpaṃ upapajjantānaṃ tesaṃ vedanākkhandho uppajjati no ca tesaṃ rūpakkhandho uppajjati pañcavokāraṃ upapajjantānaṃ tesaṃ vedanākkhandho ca uppajjati rūpakkhandho ca uppajjati.