TIPITAKA Volume 38 : PALI ROMAN Abhidhamma Pitaka Vol 5 : Abhi. Yamakaṃ (1) Pajahanavāro

[1354] Yo kāmarāgānusayaṃ pajahati so paṭighānusayaṃ pajahatīti: āmantā . yo vā pana paṭighānusayaṃ pajahati so kāmarāgānusayaṃ pajahatīti: āmantā . yo kāmarāgānusayaṃ pajahati so mānānusayaṃ pajahatīti: tadekaṭṭhaṃ pajahati . yo vā pana mānānusayaṃ pajahati so kāmarāgānusayaṃ pajahatīti: no . Yo kāmarāgānusayaṃ pajahati so diṭṭhānusayaṃ .pe. vicikicchānusayaṃ pajahatīti: no . yo vā pana vicikicchānusayaṃ pajahati so kāmarāgānusayaṃ pajahatīti: tadekaṭṭhaṃ pajahati . Yo kāmarāgānusayaṃ pajahati so bhavarāgānusayaṃ .pe. avijjānusayaṃ pajahatīti: tadekaṭṭhaṃ pajahati . yo vā pana avijjānusayaṃ pajahati so kāmarāgānusayaṃ pajahatīti: no.