TIPITAKA Volume 38 : PALI ROMAN Abhidhamma Pitaka Vol 5 : Abhi. Yamakaṃ (1) sānusayavāro

[1288] Yo kāmarāgānusayena sānusayo so paṭighānusayena sānusayoti: āmantā . yo vā pana paṭighānusayena sānusayo so kāmarāgānusayena sānusayoti: āmantā . yo kāmarāgānusayena sānusayo so mānānusayena sānusayoti: āmantā . yo vā pana mānānusayena sānusayo so kāmarāgānusayena sānusayoti: anāgāmī mānānusayena sānusayo no ca 1- kāmarāgānusayena sānusayo tayo @Footnote: 1 no ca soti pāḷiyā bhavitabbaṃ. puggalokāsavāro cettha udāharaṇaṃ. Puggalā mānānusayena ca sānusayā kāmarāgānusayena ca sānusayā. {1288.1} Yo kāmarāgānusayena sānusayo so diṭṭhānusayena .pe. vicikicchānusayena sānusayoti: dve puggalā kāmarāgānusayena sānusayā no ca vicikicchānusayena sānusayā puthujjano kāmarāgānusayena ca sānusayo vicikicchānusayena ca sānusayo . yo vā pana vicikicchānusayena sānusayo so kāmarāgānusayena sānusayoti: āmantā . yo kāmarāgānusayena sānusayo so bhavarāgānusayena .pe. avijjānusayena sānusayoti: āmantā . yo vā pana avijjānusayena sānusayo so kāmarāgānusayena sānusayoti: anāgāmī avijjānusayena sānusayo no ca kāmarāgānusayena sānusayo tayo puggalā avijjānusayena ca sānusayā kāmarāgānusayena ca sānusayā.