[๓๘๘] จกฺขุ จกฺขุนฺทฺริยนฺติ: ทิพฺพจกฺขุ ปญฺญาจกฺขุ จกฺขุ น จกฺขุนฺทฺริยํ จกฺขุนฺทฺริยํ จกฺขุ เจว จกฺขุนฺทฺริยญฺจ ฯ จกฺขุนฺทฺริยํ จกฺขูติ: อามนฺตา ฯ โสตํ โสตินฺทฺริยนฺติ: ทิพฺพโสตํ ตณฺหาโสตํ โสตํ น โสตินฺทฺริยํ โสตินฺทฺริยํ โสตญฺเจว โสตินฺทฺริยญฺจ ฯ โสตินฺทฺริยํ โสตนฺติ: อามนฺตา ฯ ฆานํ ฆานินฺทฺริยนฺติ: อามนฺตา ฯ ฆานินฺทฺริยํ ฆานนฺติ: อามนฺตา ฯ ชิวฺหา ชิวฺหินฺทฺริยนฺติ: อามนฺตา ฯ ชิวฺหินฺทฺริยํ ชิวฺหาติ: อามนฺตา ฯ กาโย กายินฺทฺริยนฺติ: กายินฺทฺริยํ ฐเปตฺวา อวเสสา กาโย น กายินฺทฺริยํ กายินฺทฺริยํ กาโย เจว กายินฺทฺริยญฺจ ฯ กายินฺทฺริยํ กาโยติ: อามนฺตา ฯ มโน มนินฺทฺริยนฺติ: อามนฺตา ฯ มนินฺทฺริยํ มโนติ: อามนฺตา ฯ

[๓๘๙] อิตฺถี อิตฺถินฺทฺริยนฺติ: โน ฯ อิตฺถินฺทฺริยํ อิตฺถีติ: โน ฯ ปุริโส ปุริสินฺทฺริยนฺติ: โน ฯ ปุริสินฺทฺริยํ ปุริโสติ: โน ฯ ชีวิตํ ชีวิตินฺทฺริยนฺติ: อามนฺตา ฯ ชีวิตินฺทฺริยํ ชีวิตนฺติ: อามนฺตา ฯ

[๓๙๐] สุขํ สุขินฺทฺริยนฺติ: อามนฺตา ฯ สุขินฺทฺริยํ สุขนฺติ: อามนฺตา ฯ ทุกฺขํ ทุกฺขินฺทฺริยนฺติ: อามนฺตา ฯ ทุกฺขินฺทฺริยํ ทุกฺขนฺติ: อามนฺตา ฯ โสมนสฺสํ โสมนสฺสินฺทฺริยนฺติ: อามนฺตา ฯ โสมนสฺสินฺทฺริยํ โสมนสฺสนฺติ: อามนฺตา ฯ โทมนสฺสํ โทมนสฺสินฺทฺริยนฺติ: อามนฺตา ฯ โทมนสฺสินฺทฺริยํ โทมนสฺสนฺติ: อามนฺตา ฯ อุเปกฺขา อุเปกฺขินฺทฺริยนฺติ: อุเปกฺขินฺทฺริยํ ฐเปตฺวา อวเสสา อุเปกฺขา อุเปกฺขา น อุเปกฺขินฺทฺริยํ อุเปกฺขินฺทฺริยํ อุเปกฺขา เจว อุเปกฺขินฺทฺริยญฺจ ฯ อุเปกฺขินฺทฺริยํ อุเปกฺขาติ: อามนฺตา ฯ

[๓๙๑] สทฺธา สทฺธินฺทฺริยนฺติ: อามนฺตา ฯ สทฺธินฺทฺริยํ สทฺธาติ: อามนฺตา ฯ วิริยํ วิริยินฺทฺริยนฺติ: อามนฺตา ฯ วิริยินฺทฺริยํ วิริยนฺติ: อามนฺตา ฯ สติ สตินฺทฺริยนฺติ: อามนฺตา ฯ สตินฺทฺริยํ สตีติ: อามนฺตา ฯ สมาธิ สมาธินฺทฺริยนฺติ: อามนฺตา ฯ สมาธินฺทฺริยํ สมาธีติ: อามนฺตา ฯ ปญฺญา ปญฺญินฺทฺริยนฺติ: อามนฺตา ฯ ปญฺญินฺทฺริยํ ปญฺญาติ: อามนฺตา ฯ