[๓๙๕] น สุขํ น สุขินฺทฺริยนฺติ: อามนฺตา ฯ น สุขินฺทฺริยํ น สุขนฺติ: อามนฺตา ฯ น ทุกฺขํ น ทุกฺขินฺทฺริยนฺติ: อามนฺตา ฯ น ทุกฺขินฺทฺริยํ น ทุกฺขนฺติ: อามนฺตา ฯ น โสมนสฺสํ น โสมนสฺสินฺทฺริยนฺติ: อามนฺตา ฯ น โสมนสฺสินฺทฺริยํ น โสมนสฺสนฺติ: อามนฺตา ฯ น โทมนสฺสํ น โทมนสฺสินฺทฺริยนฺติ: อามนฺตา ฯ น โทมนสฺสินฺทฺริยํ น โทมนสฺสนฺติ: อามนฺตา ฯ น อุเปกฺขา น อุเปกฺขินฺทฺริยนฺติ: อามนฺตา ฯ น อุเปกฺขินฺทฺริยํ น อุเปกฺขาติ: อุเปกฺขินฺทฺริยํ ฐเปตฺวา อวเสสา น อุเปกฺขินฺทฺริยํ อุเปกฺขา อุเปกฺขญฺจ อุเปกฺขินฺทฺริยญฺจ ฐเปตฺวา อวเสสา น เจว อุเปกฺขา น จ อุเปกฺขินฺทฺริยํ ฯ
[๓๙๖] น สทฺธา น สทฺธินฺทฺริยนฺติ: อามนฺตา ฯ น สทฺธินฺทฺริยํ น สทฺธาติ: อามนฺตา ฯ น วิริยํ น วิริยินฺทฺริยนฺติ: อามนฺตา ฯ น วิริยินฺทฺริยํ น วิริยนฺติ: อามนฺตา ฯ น สติ น สตินฺทฺริยนฺติ: อามนฺตา ฯ น สตินฺทฺริยํ นสตีติ: อามนฺตา ฯ น สมาธิ น สมาธินฺทฺริยนฺติ: อามนฺตา ฯ น สมาธินฺทฺริยํ น สมาธีติ: อามนฺตา ฯ น ปญฺญา น ปญฺญินฺทฺริยนฺติ: อามนฺตา ฯ น ปญฺญินฺทฺริยํ น ปญฺญาติ: อามนฺตา ฯ
[๓๙๗] น อนญฺญาตญฺญสฺสามีติ น อนญฺญาตญฺญสฺสามีตินฺทฺริยนฺติ: อามนฺตา ฯ น อนญฺญาตญฺญสฺสามีตินฺทฺริยํ น อนญฺญาตญฺญสฺสามีตีติ: อามนฺตา ฯ น อญฺญํ น อญฺญินฺทฺริยนฺติ: อามนฺตา ฯ น อญฺญินฺทฺริยํ น อญฺญนฺติ: อามนฺตา ฯ น อญฺญาตาวี น อญฺญาตาวินฺทฺริยนฺติ: อามนฺตา ฯ น อญฺญาตาวินฺทฺริยํ น อญฺญาตาวีติ: อามนฺตา ฯ _______________________
[๓๙๘] จกฺขุ จกฺขุนฺทฺริยนฺติ: ทิพฺพจกฺขุ ปญฺญาจกฺขุ จกฺขุ น จกฺขุนฺทฺริยํ จกฺขุนฺทฺริยํ จกฺขุ เจว จกฺขุนฺทฺริยญฺจ ฯ อินฺทฺริยา โสตินฺทฺริยนฺติ: โสตินฺทฺริยํ อินฺทฺริยญฺเจว โสตินฺทฺริยญฺจ อวเสสา อินฺทฺริยา อินฺทฺริยา น โสตินฺทฺริยํ ฯ จกฺขุ จกฺขุนฺทฺริยนฺติ: ทิพฺพจกฺขุ ปญฺญาจกฺขุ จกฺขุ น จกฺขุนฺทฺริยํ จกฺขุนฺทฺริยํ จกฺขุ เจว จกฺขุนฺทฺริยญฺจ ฯ อินฺทฺริยา ฆานินฺทฺริยนฺติ: ฆานินฺทฺริยํ อินฺทฺริยญฺเจว ฆานินฺทฺริยญฺจ อวเสสา อินฺทฺริยา อินฺทฺริยา น ฆานินฺทฺริยํ ฯ จกฺขุ จกฺขุนฺทฺริยนฺติ: ทิพฺพจกฺขุ ปญฺญาจกฺขุ จกฺขุ น จกฺขุนฺทฺริยํ จกฺขุนฺทฺริยํ จกฺขุ เจว จกฺขุนฺทฺริยญฺจ ฯ อินฺทฺริยา ชิวฺหินฺทฺริยนฺติ: ชิวฺหินฺทฺริยํ อินฺทฺริยญฺเจว ชิวฺหินฺทฺริยญฺจ อวเสสา อินฺทฺริยา อินฺทฺริยา น ชิวฺหินฺทฺริยํ ฯ จกฺขุ จกฺขุนฺทฺริยนฺติ: ทิพฺพจกฺขุ ปญฺญาจกฺขุ จกฺขุ น จกฺขุนฺทฺริยํ จกฺขุนฺทฺริยํ จกฺขุ เจว จกฺขุนฺทฺริยญฺจ ฯ อินฺทฺริยา กายินฺทฺริยนฺติ: กายินฺทฺริยํ อินฺทฺริยญฺเจว กายินฺทฺริยญฺจ อวเสสา อินฺทฺริยา อินฺทฺริยา น กายินฺทฺริยํ ฯ จกฺขุ จกฺขุนฺทฺริยนฺติ: ทิพฺพจกฺขุ ปญฺญาจกฺขุ จกฺขุ น จกฺขุนฺทฺริยํ จกฺขุนฺทฺริยํ จกฺขุ เจว จกฺขุนฺทฺริยญฺจ ฯ อินฺทฺริยา มนินฺทฺริยนฺติ: มนินฺทฺริยํ อินฺทฺริยญฺเจว มนินฺทฺริยญฺจ อวเสสา อินฺทฺริยา อินฺทฺริยา น มนินฺทฺริยํ ฯ