[๔๐๓] โสตํ โสตินฺทฺริยนฺติ: ทิพฺพโสตํ ตณฺหาโสตํ โสตํ น โสตินฺทฺริยํ โสตินฺทฺริยํ โสตญฺเจว โสตินฺทฺริยญฺจ ฯ อินฺทฺริยา จกฺขุนฺทฺริยนฺติ: จกฺขุนฺทฺริยํ อินฺทฺริยญฺเจว จกฺขุนฺทฺริยญฺจ อวเสสา อินฺทฺริยา อินฺทฺริยา น จกฺขุนฺทฺริยํ ฯเปฯ โสตํ โสตินฺทฺริยนฺติ: ทิพฺพโสตํ ตณฺหาโสตํ โสตํ น โสตินฺทฺริยํ โสตินฺทฺริยํ โสตญฺเจว โสตินฺทฺริยญฺจ ฯ อินฺทฺริยา อญฺญาตาวินฺทฺริยนฺติ: อญฺญาตาวินฺทฺริยํ อินฺทฺริยญฺเจว อญฺญาตาวินฺทฺริยญฺจ อวเสสา อินฺทฺริยา อินฺทฺริยา น อญฺญาตาวินฺทฺริยํ ฯ
[๔๐๔] ฆานํ ฆานินฺทฺริยนฺติ: อามนฺตา ฯ อินฺทฺริยา จกฺขุนฺทฺริยนฺติ: จกฺขุนฺทฺริยํ อินฺทฺริยญฺเจว จกฺขุนฺทฺริยญฺจ อวเสสา อินฺทฺริยา อินฺทฺริยา น จกฺขุนฺทฺริยํ ฯเปฯ ฆานํ ฆานินฺทฺริยนฺติ: อามนฺตา ฯ อินฺทฺริยา อญฺญาตาวินฺทฺริยนฺติ: อญฺญาตาวินฺทฺริยํ อินฺทฺริยญฺเจว อญฺญาตาวินฺทฺริยญฺจ อวเสสา อินฺทฺริยา อินฺทฺริยา น อญฺญาตาวินฺทฺริยํ ฯ
[๔๐๕] ชิวฺหา ชิวฺหินฺทฺริยนฺติ: อามนฺตา ฯ อินฺทฺริยา จกฺขุนฺทฺริยนฺติ: จกฺขุนฺทฺริยํ อินฺทฺริยญฺเจว จกฺขุนฺทฺริยญฺจ อวเสสา อินฺทฺริยา อินฺทฺริยา น จกฺขุนฺทฺริยํ ฯเปฯ ชิวฺหา ชิวฺหินฺทฺริยนฺติ: อามนฺตา ฯ อินฺทฺริยา อญฺญาตาวินฺทฺริยนฺติ: อญฺญาตาวินฺทฺริยํ อินฺทฺริยญฺเจว อญฺญาตาวินฺทฺริยญฺจ อวเสสา อินฺทฺริยา อินฺทฺริยา น อญฺญาตาวินฺทฺริยํ ฯ
[๔๐๖] กาโย กายินฺทฺริยนฺติ: กายินฺทฺริยํ ฐเปตฺวา อวเสสา กาโย น กายินฺทฺริยํ กายินฺทฺริยํ กาโย เจว กายินฺทฺริยญฺจ ฯ อินฺทฺริยา จกฺขุนฺทฺริยนฺติ: จกฺขุนฺทฺริยํ อินฺทฺริยญฺเจว จกฺขุนฺทฺริยญฺจ อวเสสา อินฺทฺริยา อินฺทฺริยา น จกฺขุนฺทฺริยํ ฯเปฯ กาโย กายินฺทฺริยนฺติ: กายินฺทฺริยํ ฐเปตฺวา อวเสสา กาโย น กายินฺทฺริยํ กายินฺทฺริยํ กาโย เจว กายินฺทฺริยญฺจ ฯ อินฺทฺริยา อญฺญาตาวินฺทฺริยนฺติ: อญฺญาตาวินฺทฺริยํ อินฺทฺริยญฺเจว อญฺญาตาวินฺทฺริยญฺจ อวเสสา อินฺทฺริยา อินฺทฺริยา น อญฺญาตาวินฺทฺริยํ ฯ