[๔๓๙] น อญฺญาตาวี น อญฺญาตาวินฺทฺริยนฺติ: อามนฺตา ฯ น อินฺทฺริยา น จกฺขุนฺทฺริยนฺติ: อามนฺตา ฯเปฯ น อญฺญาตาวี น อญฺญาตาวินฺทฺริยนฺติ: อามนฺตา ฯ น อินฺทฺริยา น อญฺญินฺทฺริยนฺติ: อามนฺตา ฯ _______________________

[๔๔๐] จกฺขุ อินฺทฺริยนฺติ: อามนฺตา ฯ อินฺทฺริยา จกฺขุนฺทฺริยนฺติ: จกฺขุนฺทฺริยํ อินฺทฺริยญฺเจว จกฺขุนฺทฺริยญฺจ อวเสสา อินฺทฺริยา อินฺทฺริยา น จกฺขุนฺทฺริยํ ฯ โสตํ อินฺทฺริยนฺติ: ยํ โสตํ อินฺทฺริยํ ตํ โสตญฺเจว อินฺทฺริยญฺจ อวเสสํ โสตํ น อินฺทฺริยํ ฯ อินฺทฺริยา โสตินฺทฺริยนฺติ: โสตินฺทฺริยํ อินฺทฺริยญฺเจว โสตินฺทฺริยญฺจ อวเสสา อินฺทฺริยา อินฺทฺริยา น โสตินฺทฺริยํ ฯ ฆานํ อินฺทฺริยนฺติ: อามนฺตา ฯ อินฺทฺริยา ฆานินฺทฺริยนฺติ: ฆานินฺทฺริยํ อินฺทฺริยญฺเจว ฆานินฺทฺริยญฺจ อวเสสา อินฺทฺริยา อินฺทฺริยา น ฆานินฺทฺริยํ ฯ ชิวฺหา อินฺทฺริยนฺติ: อามนฺตา ฯ อินฺทฺริยา ชิวฺหินฺทฺริยนฺติ: ชิวฺหินฺทฺริยํ อินฺทฺริยญฺเจว ชิวฺหินฺทฺริยญฺจ อวเสสา อินฺทฺริยา อินฺทฺริยา น ชิวฺหินฺทฺริยํ ฯ กาโย อินฺทฺริยนฺติ: โย กาโย อินฺทฺริยํ โส กาโย เจว อินฺทฺริยญฺจ อวเสสา กาโย น อินฺทฺริยํ ฯ อินฺทฺริยา กายินฺทฺริยนฺติ: กายินฺทฺริยํ อินฺทฺริยญฺเจว กายินฺทฺริยญฺจ อวเสสา อินฺทฺริยา อินฺทฺริยา น กายินฺทฺริยํ ฯ มโน อินฺทฺริยนฺติ: อามนฺตา ฯ อินฺทฺริยา มนินฺทฺริยนฺติ: มนินฺทฺริยํ อินฺทฺริยญฺเจว มนินฺทฺริยญฺจ อวเสสา อินฺทฺริยา อินฺทฺริยา น มนินฺทฺริยํ ฯ

[๔๔๑] อิตฺถี อินฺทฺริยนฺติ: โน ฯ อินฺทฺริยา อิตฺถินฺทฺริยนฺติ: อิตฺถินฺทฺริยํ อินฺทฺริยญฺเจว อิตฺถินฺทฺริยญฺจ อวเสสา อินฺทฺริยา อินฺทฺริยา น อิตฺถินฺทฺริยํ ฯ ปุริโส อินฺทฺริยนฺติ: โน ฯ อินฺทฺริยา ปุริสินฺทฺริยนฺติ: ปุริสินฺทฺริยํ อินฺทฺริยญฺเจว ปุริสินฺทฺริยญฺจ อวเสสา อินฺทฺริยา อินฺทฺริยา น ปุริสินฺทฺริยํ ฯ ชีวิตํ อินฺทฺริยนฺติ: อามนฺตา ฯ อินฺทฺริยา ชีวิตินฺทฺริยนฺติ: ชีวิตินฺทฺริยํ อินฺทฺริยญฺเจว ชีวิตินฺทฺริยญฺจ อวเสสา อินฺทฺริยา อินฺทฺริยา น ชีวิตินฺทฺริยํ ฯ