[๔๔๔] อนญฺญาตญฺญสฺสามีติ อินฺทฺริยนฺติ: อามนฺตา ฯ อินฺทฺริยา อนญฺญาตญฺญสฺสามีตินฺทฺริยนฺติ: อนญฺญาตญฺญสฺสามีตินฺทฺริยํ อินฺทฺริยญฺเจว อนญฺญาตญฺญสฺสามีตินฺทฺริยญฺจ อวเสสา อินฺทฺริยา อินฺทฺริยา น อนญฺญาตญฺญสฺสามีตินฺทฺริยํ ฯ อญฺญํ อินฺทฺริยนฺติ: อามนฺตา ฯ อินฺทฺริยา อญฺญินฺทฺริยนฺติ: อญฺญินฺทฺริยํ อินฺทฺริยญฺเจว อญฺญินฺทฺริยญฺจ อวเสสา อินฺทฺริยา อินฺทฺริยา น อญฺญินฺทฺริยํ ฯ อญฺญาตาวี อินฺทฺริยนฺติ: อามนฺตา ฯ อินฺทฺริยา อญฺญาตาวินฺทฺริยนฺติ: อญฺญาตาวินฺทฺริยํ อินฺทฺริยญฺเจว อญฺญาตาวินฺทฺริยญฺจ อวเสสา อินฺทฺริยา อินฺทฺริยา น อญฺญาตาวินฺทฺริยํ ฯ

[๔๔๕] น จกฺขุํ น อินฺทฺริยนฺติ: จกฺขุํ ฐเปตฺวา อวเสสา อินฺทฺริยา น จกฺขุ อินฺทฺริยา จกฺขุญฺจ อินฺทฺริเย จ ฐเปตฺวา อวเสสา น เจว จกฺขุ น จ อินฺทฺริยา ฯ น อินฺทฺริยา น จกฺขุนฺทฺริยนฺติ: อามนฺตา ฯ น โสตํ น อินฺทฺริยนฺติ: โสตํ ฐเปตฺวา อวเสสา อินฺทฺริยา น โสตํ อินฺทฺริยา โสตญฺจ อินฺทฺริเย จ ฐเปตฺวา อวเสสา น เจว โสตํ น จ อินฺทฺริยา ฯ น อินฺทฺริยา น โสตินฺทฺริยนฺติ: อามนฺตา ฯ น ฆานํ น อินฺทฺริยนฺติ: ฆานํ ฐเปตฺวา อวเสสา อินฺทฺริยา น ฆานํ อินฺทฺริยา ฆานญฺจ อินฺทฺริเย จ ฐเปตฺวา อวเสสา น เจว ฆานํ น จ อินฺทฺริยา ฯ น อินฺทฺริยา น ฆานินฺทฺริยนฺติ: อามนฺตา ฯ น ชิวฺหา น อินฺทฺริยนฺติ: ชิวฺหํ ฐเปตฺวา อวเสสา อินฺทฺริยา น ชิวฺหา อินฺทฺริยา ชิวฺหญฺจ อินฺทฺริเย จ ฐเปตฺวา อวเสสา น เจว ชิวฺหา น จ อินฺทฺริยา ฯ น อินฺทฺริยา น ชิวฺหินฺทฺริยนฺติ: อามนฺตา ฯ น กาโย น อินฺทฺริยนฺติ: อามนฺตา ฯ น อินฺทฺริยา น กายินฺทฺริยนฺติ: อามนฺตา ฯ น มโน น อินฺทฺริยนฺติ: มนํ ฐเปตฺวา อวเสสา อินฺทฺริยา น มโน อินฺทฺริยา มนญฺจ อินฺทฺริเย จ ฐเปตฺวา อวเสสา น เจว มโน น จ อินฺทฺริยา ฯ น อินฺทฺริยา น มนินฺทฺริยนฺติ: อามนฺตา ฯ