[๔๔๙] น อนญฺญาตญฺญสฺสามีติ น อินฺทฺริยนฺติ: อนญฺญาตญฺญสฺสามีตึ ฐเปตฺวา อวเสสา อินฺทฺริยา น อนญฺญาตญฺญสฺสามีติ อินฺทฺริยา อนญฺญาตญฺญสฺสามีติญฺจ อินฺทฺริเย จ ฐเปตฺวา อวเสสา น เจว อนญฺญาตญฺญสฺสามีติ น จ อินฺทฺริยา ฯ น อินฺทฺริยา น อนญฺญาตญฺญสฺสามีตินฺทฺริยนฺติ: อามนฺตา ฯ น อญฺญํ น อินฺทฺริยนฺติ: อญฺญํ ฐเปตฺวา อวเสสา อินฺทฺริยา น อญฺญํ อินฺทฺริยา อญฺญญฺจ อินฺทฺริเย จ ฐเปตฺวา อวเสสา น เจว อญฺญํ น จ อินฺทฺริยา ฯ น อินฺทฺริยา น อญฺญินฺทฺริยนฺติ: อามนฺตา ฯ น อญฺญาตาวี น อินฺทฺริยนฺติ: อญฺญาตาวึ ฐเปตฺวา อวเสสา อินฺทฺริยา น อญฺญาตาวี อินฺทฺริยา อญฺญาตาวิญฺจ อินฺทฺริเย จ ฐเปตฺวา อวเสสา น เจว อญฺญาตาวี น จ อินฺทฺริยา ฯ น อินฺทฺริยา น อญฺญาตาวินฺทฺริยนฺติ: อามนฺตา ฯ _________________

[๔๕๐] จกฺขุ อินฺทฺริยนฺติ: อามนฺตา ฯ อินฺทฺริยา โสตินฺทฺริยนฺติ: โสตินฺทฺริยํ อินฺทฺริยญฺเจว โสตินฺทฺริยญฺจ อวเสสา อินฺทฺริยา อินฺทฺริยา น โสตินฺทฺริยํ ฯ จกฺขุ อินฺทฺริยนฺติ: อามนฺตา ฯ อินฺทฺริยา ฆานินฺทฺริยนฺติ: ฆานินฺทฺริยํ อินฺทฺริยญฺเจว ฆานินฺทฺริยญฺจ อวเสสา อินฺทฺริยา อินฺทฺริยา น ฆานินฺทฺริยํ ฯ จกฺขุ อินฺทฺริยนฺติ: อามนฺตา ฯ อินฺทฺริยา ชิวฺหินฺทฺริยนฺติ: ชิวฺหินฺทฺริยํ อินฺทฺริยญฺเจว ชิวฺหินฺทฺริยญฺจ อวเสสา อินฺทฺริยา อินฺทฺริยา น ชิวฺหินฺทฺริยํ ฯ จกฺขุ อินฺทฺริยนฺติ: อามนฺตา ฯ อินฺทฺริยา กายินฺทฺริยนฺติ: กายินฺทฺริยํ อินฺทฺริยญฺเจว กายินฺทฺริยญฺจ อวเสสา อินฺทฺริยา อินฺทฺริยา น กายินฺทฺริยํ ฯ จกฺขุ อินฺทฺริยนฺติ: อามนฺตา ฯ อินฺทฺริยา มนินฺทฺริยนฺติ: มนินฺทฺริยํ อินฺทฺริยญฺเจว มนินฺทฺริยญฺจ อวเสสา อินฺทฺริยา อินฺทฺริยา น มนินฺทฺริยํ ฯ

[๔๕๑] จกฺขุ อินฺทฺริยนฺติ: อามนฺตา ฯ อินฺทฺริยา อิตฺถินฺทฺริยนฺติ: อิตฺถินฺทฺริยํ อินฺทฺริยญฺเจว อิตฺถินฺทฺริยญฺจ อวเสสา อินฺทฺริยา อินฺทฺริยา น อิตฺถินฺทฺริยํ ฯ จกฺขุ อินฺทฺริยนฺติ: อามนฺตา ฯ อินฺทฺริยา ปุริสินฺทฺริยนฺติ: ปุริสินฺทฺริยํ อินฺทฺริยญฺเจว ปุริสินฺทฺริยญฺจ อวเสสา อินฺทฺริยา อินฺทฺริยา น ปุริสินฺทฺริยํ ฯ จกฺขุ อินฺทฺริยนฺติ: อามนฺตา ฯ อินฺทฺริยา ชีวิตินฺทฺริยนฺติ: ชีวิตินฺทฺริยํ อินฺทฺริยญฺเจว ชีวิตินฺทฺริยญฺจ อวเสสา อินฺทฺริยา อินฺทฺริยา น ชีวิตินฺทฺริยํ ฯ