[๔๘๖] น อญฺญํ น อินฺทฺริยนฺติ: อญฺญํ ฐเปตฺวา อวเสสา อินฺทฺริยา น อญฺญํ อินฺทฺริยา อญฺญญฺจ อินฺทฺริเย จ ฐเปตฺวา อวเสสา น เจว อญฺญํ น จ อินฺทฺริยา ฯ น อินฺทฺริยา น จกฺขุนฺทฺริยนฺติ: อามนฺตา ฯเปฯ นอญฺญํ นอินฺทฺริยนฺติ: อญฺญํ ฐเปตฺวา อวเสสา อินฺทฺริยา น อญฺญํ อินฺทฺริยา อญฺญญฺจ อินฺทฺริเย จ ฐเปตฺวา อวเสสา น เจว อญฺญํ น จ อินฺทฺริยา ฯ น อินฺทฺริยา น อญฺญาตาวินฺทฺริยนฺติ: อามนฺตา ฯ

[๔๘๗] น อญฺญาตาวี น อินฺทฺริยนฺติ: อญฺญาตาวึ ฐเปตฺวา อวเสสา อินฺทฺริยา น อญฺญาตาวี อินฺทฺริยา อญฺญาตาวิญฺจ อินฺทฺริเย จ ฐเปตฺวา อวเสสา น เจว อญฺญาตาวี น จ อินฺทฺริยา ฯ น อินฺทฺริยา น จกฺขุนฺทฺริยนฺติ: อามนฺตา ฯเปฯ น อญฺญาตาวี น อินฺทฺริยนฺติ: อญฺญาตาวึ ฐเปตฺวา อวเสสา อินฺทฺริยา น อญฺญาตาวี อินฺทฺริยา อญฺญาตาวิญฺจ อินฺทฺริเย จ ฐเปตฺวา อวเสสา น เจว อญฺญาตาวี น จ อินฺทฺริยา ฯ น อินฺทฺริยา น อญฺญินฺทฺริยนฺติ: อามนฺตา ฯ นิทฺเทสวาโร ฯ ปณฺณตฺติวาโร ฯ _________________ ปวตฺติวาโร