[๗๔๐] ยตฺถ ฆานินฺทฺริยํ อุปฺปชฺชิตฺถ ตตฺถ สทฺธินฺทฺริยํ อุปฺปชฺชิตฺถาติ: อามนฺตา ฯ ยตฺถ วา ปน สทฺธินฺทฺริยํ อุปฺปชฺชิตฺถ ตตฺถ ฆานินฺทฺริยํ อุปฺปชฺชิตฺถาติ: รูปาวจเร อรูปาวจเร ตตฺถ สทฺธินฺทฺริยํ อุปฺปชฺชิตฺถ โน จ ตตฺถ ฆานินฺทฺริยํ อุปฺปชฺชิตฺถ กามาวจเร ตตฺถ สทฺธินฺทฺริยญฺจ อุปฺปชฺชิตฺถ ฆานินฺทฺริยญฺจ อุปฺปชฺชิตฺถ ฯ

[๗๔๑] ยตฺถ ฆานินฺทฺริยํ อุปฺปชฺชิตฺถ ตตฺถ ปญฺญินฺทฺริยํ ฯเปฯ% มนินฺทฺริยํ อุปฺปชฺชิตฺถาติ: อามนฺตา ฯ ยตฺถ วา ปน มนินฺทฺริยํ อุปฺปชฺชิตฺถ ตตฺถ ฆานินฺทฺริยํ อุปฺปชฺชิตฺถาติ: รูปาวจเร อรูปาวจเร ตตฺถ มนินฺทฺริยํ อุปฺปชฺชิตฺถ โน จ ตตฺถ ฆานินฺทฺริยํ อุปฺปชฺชิตฺถ กามาวจเร ตตฺถ มนินฺทฺริยญฺจ อุปฺปชฺชิตฺถ ฆานินฺทฺริยญฺจ อุปฺปชฺชิตฺถ ฯ

[๗๔๒] ยตฺถ อิตฺถินฺทฺริยํ อุปฺปชฺชิตฺถ ตตฺถ ปุริสินฺทฺริยํ อุปฺปชฺชิตฺถาติ: อามนฺตา ฯ ยตฺถ วา ปน ปุริสินฺทฺริยํ อุปฺปชฺชิตฺถ ตตฺถ อิตฺถินฺทฺริยํ อุปฺปชฺชิตฺถาติ: อามนฺตา ฯเปฯ

[๗๔๓] ยตฺถ ปุริสินฺทฺริยํ อุปฺปชฺชิตฺถ ตตฺถ ชีวิตินฺทฺริยํ อุปฺปชฺชิตฺถาติ: อามนฺตา ฯ ยตฺถ วา ปน ชีวิตินฺทฺริยํ อุปฺปชฺชิตฺถ ตตฺถ ปุริสินฺทฺริยํ อุปฺปชฺชิตฺถาติ: รูปาวจเร อรูปาวจเร ตตฺถ ชีวิตินฺทฺริยํ อุปฺปชฺชิตฺถ โน จ ตตฺถ ปุริสินฺทฺริยํ อุปฺปชฺชิตฺถ กามาวจเร ตตฺถ ชีวิตินฺทฺริยญฺจ อุปฺปชฺชิตฺถ ปุริสินฺทฺริยญฺจ อุปฺปชฺชิตฺถ ฯ