[๙๖๒] ยตฺถ จกฺขุนฺทฺริยํ น อุปฺปชฺชิสฺสติ ตตฺถ อุเปกฺขินฺทฺริยํ น อุปฺปชฺชิสฺสตีติ: อรูเป ตตฺถ จกฺขุนฺทฺริยํ น อุปฺปชฺชิสฺสติ โน จ ตตฺถ อุเปกฺขินฺทฺริยํ น อุปฺปชฺชิสฺสติ อสญฺญสตฺเต ตตฺถ จกฺขุนฺทฺริยญฺจ น อุปฺปชฺชิสฺสติ อุเปกฺขินฺทฺริยญฺจ น อุปฺปชฺชิสฺสติ ฯ ยตฺถ วา ปน อุเปกฺขินฺทฺริยํ น อุปฺปชฺชิสฺสติ ตตฺถ จกฺขุนฺทฺริยํ น อุปฺปชฺชิสฺสตีติ: อามนฺตา ฯ

[๙๖๓] ยตฺถ จกฺขุนฺทฺริยํ น อุปฺปชฺชิสฺสติ ตตฺถ สทฺธินฺทฺริยํ ฯเปฯ ปญฺญินฺทฺริยํ มนินฺทฺริยํ น อุปฺปชฺชิสฺสตีติ: อรูเป ตตฺถ จกฺขุนฺทฺริยํ น อุปฺปชฺชิสฺสติ โน จ ตตฺถ มนินฺทฺริยํ น อุปฺปชฺชิสฺสติ อสญฺญสตฺเต ตตฺถ จกฺขุนฺทฺริยญฺจ น อุปฺปชฺชิสฺสติ มนินฺทฺริยญฺจ น อุปฺปชฺชิสฺสติ ฯ ยตฺถ วา ปน มนินฺทฺริยํ น อุปฺปชฺชิสฺสติ ตตฺถ จกฺขุนฺทฺริยํ น อุปฺปชฺชิสฺสตีติ: อามนฺตา ฯ

[๙๖๔] ยตฺถ ฆานินฺทฺริยํ น อุปฺปชฺชิสฺสติ ตตฺถ อิตฺถินฺทฺริยํ ฯเปฯฝ ปุริสินฺทฺริยํ น อุปฺปชฺชิสฺสตีติ: อามนฺตา ฯ ยตฺถ วา ปน ปุริสินฺทฺริยํ น อุปฺปชฺชิสฺสติ ตตฺถ ฆานินฺทฺริยํ น อุปฺปชฺชิสฺสตีติ: อามนฺตา ฯ

[๙๖๕] ยตฺถ ฆานินฺทฺริยํ น อุปฺปชฺชิสฺสติ ตตฺถ ชีวิตินฺทฺริยํ น อุปฺปชฺชิสฺสตีติ: อุปฺปชฺชิสฺสติ ฯ ยตฺถ วา ปน ชีวิตินฺทฺริยํ น อุปฺปชฺชิสฺสติ ตตฺถ ฆานินฺทฺริยํ น อุปฺปชฺชิสฺสตีติ: นตฺถิ ฯ