[๑๓๙๙] โย โทมนสฺสินฺทฺริยํ ปชหติ โส อนญฺญาตญฺญสฺสามีตินฺทฺริยํ ภาวิตฺถาติ: อามนฺตา ฯ โย วา ปน อนญฺญาตญฺญสฺสามีตินฺทฺริยํ ภาวิตฺถ โส โทมนสฺสินฺทฺริยํ ปชหตีติ: ฉ ปุคฺคลา อนญฺญาตญฺญสฺสามีตินฺทฺริยํ ภาวิตฺถ โน จ โทมนสฺสินฺทฺริยํ ปชหนฺติ อนาคามิมคฺคสมงฺคี อนญฺญาตญฺญสฺสามีตินฺทฺริยญฺจ ภาวิตฺถ โทมนสฺสินฺทฺริยญฺจ ปชหติ ฯ

[๑๔๐๐] โย โทมนสฺสินฺทฺริยํ ปชหติ โส อญฺญินฺทฺริยํ ภาวิตฺถาติ: โน ฯ โย วา ปน อญฺญินฺทฺริยํ ภาวิตฺถ โส โทมนสฺสินฺทฺริยํ ปชหตีติ: โน ฯ

[๑๔๐๑] โย โทมนสฺสินฺทฺริยํ ปชหติ โส อญฺญาตาวินฺทฺริยํ สจฺฉิกริตฺถาติ: โน ฯ โย วา ปน อญฺญาตาวินฺทฺริยํ สจฺฉิกริตฺถ โส โทมนสฺสินฺทฺริยํ ปชหตีติ: โน ฯ

[๑๔๐๒] โย อนญฺญาตญฺญสฺสามีตินฺทฺริยํ ภาเวติ โส อญฺญินฺทฺริยํ ภาวิตฺถาติ: โน ฯ โย วา ปน อญฺญินฺทฺริยํ ภาวิตฺถ โส อนญฺญาตญฺญสฺสามีตินฺทฺริยํ ภาเวตีติ: โน ฯ