สัมปยุตตปัจจัย

๑๙. สมฺปยุตฺตปจฺจยนิทฺเทสวณฺณนา

สมฺปยุตฺตปจฺจยนิทฺเทเส ปาลิ อุตฺตานตฺถาว. อยํ ปน สมฺปยุตฺตปจฺจโย นาม สงฺเขปโต สพฺเพปิ อรูปิโน ขนฺธา. ปเภทโต ปเนส ชาติโต กุสลาทีนํ ภูมิโต จ กามาวจราทีนํ วเสน อเนกธา ภิชฺชตีติ เอวเมตฺถ นานปฺปการเภทโต วิญฺญาตพฺโพ วินิจฺฉโย. เอวํ ภินฺเน ปเนตฺถ จตุภูมิเกสุปิ กุสลกฺขนฺเธสุ เอโก ขนฺโธ ติณฺณนฺนํ ขนฺธานํ ตโย เอกสฺส เทฺว ทฺวินฺนนฺติ เอวํ สพฺเพปิ อญฺญมญฺญํ สมฺปยุตฺตปจฺจเยน ปจฺจโย. อกุสลวิปากกิริยกฺขนฺเธสุปิ เอเสว นโยติ เอวเมตฺถ ปจฺจยุปฺปนฺนโตปิ วิญฺญาตพฺโพ วินิจฺฉโยติ.

สมฺปยุตฺตปจฺจยนิทฺเทสวณฺณนา นิฏฺฐิตา.