เอกวีสติมูลเก ปฐมวีสติเกน สทฺธึ อตฺถิปจฺจยาทีสุ จตูสุ ปจฺจเยสุ เอกเมกสฺส โยชนาวเสน จตฺตาโร เอกวีสติกา โหนฺติ. เตสุ เอกเมกสฺมึ เอกูนปญฺญาสํ กตฺวา:-

สตํ ฉนวุติญฺเจว ปุจฺฉา โหนฺติ สมฺปิณฺฑิตา

คณิตา ลกฺขณญฺญูหิ เอกวีสติเก นเย.

ทฺวาวีสติมูลเก ปฐเมกวีสติเกน สทฺธึ นตฺถิปจฺจยาทีสุ ตีสุ ปจฺจเยสุ เอกเมกสฺส โยชนาวเสน ตโย ทฺวาวีสติกา โหนฺติ. เตสุ เอกเมกสฺมึ เอกูนปญฺญาสํ กตฺวา:-