อฏฺฐนวุติเมวิธ ปุจฺฉา คณนโต มตา

นยมฺหิ เตวีสติเม เตวีสติกมูลเก.

จตุวีสติมูลโก ปน สพฺพปจฺจยานํ สโมธานวเสน เวทิตพฺโพ, เตเนว สพฺพมูลโกติ วุตฺโต. ตตฺถ เอกูนปญฺญาสเมว ปุจฺฉา โหนฺตีติ สพฺพาเปตา เหตุปจฺจยปทเมว คเหตฺวา เอกมูลกาทีนํ สพฺพมูลกปริโยสานานํ วเสน สตฺถารา เทวปริสาย อติวิตฺถารโต ๑- วิภตฺตา ปุจฺฉา อิธ สงฺเขเปน เทสิตา.

ตาสํ ปน สพฺพาสมฺปิ อยํ คณนปิณฺโฑ:- เอกมูลกนยสฺมิญฺหิ เอกาทสสตานิ ฉสตฺตติ จ ปุจฺฉา อาคตา. ตาสุ ๒- เหตุปจฺจยนเย เตเนว มูลเกน เอกูนปญฺญาสํ กตฺวา อิมสฺมึ เหตุปจฺจยมูลเก คเหตพฺพา, เสสา เสสปจฺจยมูลเกสุ ปกฺขิปิตพฺพา. ทุมูลเก สตฺตวีสานิ เอกาทสสตานิ, ติมูลเก สหสฺสํ อฏฺฐสตฺตติ จ, จตุมูลเก สหสฺสํ เอกูนตฺตึสญฺจ, ปญฺจมูลเก อสีตาธิกานิ นวสตานิ, ฉมูลเก เอกตฺตึสานิ นวสตานิ, สตฺตมูลเก ทฺวาสีตานิ อฏฺฐสตานิ, อฏฺฐมูลเก เตตฺตึสานิ อฏฺฐสตานิ, นวมูลเก จตุราสีตานิ สตฺตสตานิ, ทสมูลเก ปญฺจตฺตึสานิ สตฺตสตานิ, เอกาทสมูลเก ฉาสีตานิ ฉสตานิ, ทฺวาทสมูลเก สตฺตตฺตึสานิ ฉสตานิ, เตรสมูลเก อฏฺฐาสีตานิ ปญฺจสตานิ, จุทฺทสมูลเก เอกูนจตฺตาฬีสานิ ปญฺจสตานิ, ปณฺณรสมูลเก นวุตานิ จตฺตาริสตานิ, โสฬสมูลเกเอกจตฺตาฬีสานิ จตฺตาริสตานิ, สตฺตรสมูลเกเทฺวนวุตานิ ตีณิ สตานิ, อฏฺฐารสมูลเก เตจตฺตาฬีสานิ ตีณิ สตานิ, เอกูนวีสติมูลเก