[๔๕๓-๔๕๖] อนนฺตรสมนนฺตรมูลเกสุ สตฺตาติ กุสโล กุสลสฺส อพฺยากตสฺส จ, ตถา อกุสโล, อพฺยากโต ติณฺณนฺนมฺปีติ เอวํ สตฺต. กมฺเม เอกนฺติ กุสลา มคฺคเจตนา อตฺตโน วิปากาพฺยากตสฺส. ฆฏนานิ ปเนเตสุ ตีณิ ตีณิเยว. ตานิ พหุวารปฏิปาฏิยา ยุตฺตานิ. ๑-

[๔๕๗-๔๖๐] สหชาตอญฺญมญฺญนิสฺสยมูลเกสุ เย เย ทุกมูลเก ปจฺจยา วุตฺตา, เต เตเยว อาทิโต ฐิเตน สภาคา. ตสฺมา ทุกมูลเก คณนํ ญตฺวา เย อุปริ ปจฺจยา ฆฏิตา, เตสุ อูนตรคณนสฺส วเสน สพฺพตฺถ ฆฏเนสุ ๒- คณนา เวทิตพฺพา. ตตฺถ สหชาตมูลกานิ ๓- ทส ฆฏนานิ. เตสุ ปญฺจ อวิปากานิ, ปญฺจ สวิปากานิ. ตตฺถ อวิปาเกสุ ตาว ปฐเม กุสโล กุสลสฺส อพฺยากตสฺส กุสลาพฺยากตสฺส กุสลาพฺยากโต อพฺยากตสฺสาติ จตฺตาริ, ตถา อกุสโล, อพฺยากโต อพฺยากตสฺเสวาติ เอวํ นว. ตตฺถ กุสลากุสลาทิเกสุ อฏฺฐสุ วิสฺสชฺชเนสุ อรูปญฺเจว จิตฺตสมุฏฺฐานรูปญฺจ ลพฺภติ. อพฺยากเต วตฺถุรูปมฺปิ. ทุติเย ฆฏเน อพฺยากตวิสฺสชฺชเน รูเปสุ วตฺถุรูปเมว ๔- ลพฺภติ, ตติเย ตีสุปิ อรูปเมว, จตุตฺเถ จิตฺตสมุฏฺฐานรูปเมว, ปญฺจเม ปฏิสนฺธิยํ วตฺถุนา สทฺธึ อรูปธมฺมา. สวิปาเกสุ ปฐเม วิปากา เจว วิปากจิตฺตสมุฏฺฐานรูปญฺจ, ทุติเย วิปากา เจว

@๓ ฉ.ม. สหชาตมูลเก ๔ ฉ.ม. วตฺถุเมว วตฺถุรูปญฺจ, ตติเย วิปากเมว, จตุตฺเถ วิปากจิตฺตสมุฏฺฐานรูปเมว, ๑- ปญฺจเม วตฺถุรูปเมว ลพฺภติ.