[๒๕-๓๗] อนุโลมปจฺจนีเย ปจฺจนีเย ลทฺธปจฺจยาเอว ปจฺจนียโต ติฏฺฐนฺติ. ปจฺจนียานุโลเม สพฺพา รูปธมฺมปริคฺคาหกา สหชาตาทโย อนุโลมโตว

[๓๘] ปญฺหาวาเร ปน สมฺปยุตฺตกานํ ขนฺธานนฺติ เตน สทฺธึ สมฺปยุตฺตกานํ ขนฺธานํ เตหิเยว วา เหตูหิ สุขเวทนาทีหิ วา.

[๓๙] วิปฺปฏิสาริสฺสาติ ทานาทีสุ ตาว "กสฺมา มยา อิทํ กตํ, ทุฏฺฐุ เม กตํ, อกตํ เสยฺโย สิยา"ติ เอวํ วิปฺปฏิสาริสฺส. ฌานปริหานิยมฺปน "ปริหีนํ เม ฌานํ, มหาชานิโย วตมฺหี"ติ เอวํ วิปฺปฏิสาริสฺส. โมโห อุปฺปชฺชตีติ โทสสมฺปยุตฺตโมโหว. ตถา โมหํ อารพฺภาติ โทสสมฺปยุตฺตโมหเมว.