15. Āhārapaccayaniddesavaṇṇanā

[15] Āhārapaccayaniddese kabaḷiṅkāro āhāroti catusantatisamuṭṭhāne rūpe ojā āhāro nāma. So pana yasmā kabaḷaṃ katvā ajjhoharitova

@3 cha.Ma. sampayuttakkhandhānaññeva Āhārakiccaṃ karoti, na bahiṭṭhito, tasmā āhāroti avatvā "kabaḷiṅkāro āhāro"ti vuttaṃ. Kabaḷaṃ karitvā ajjhoharitabbavatthukattā vā kabaḷiṅkāroti nāmamattamevetaṃ tassa. Arūpino āhārāti phassacetanāviññāṇāhāRā. Taṃsamuṭṭhānānanti idhāpi kammasamuṭṭhānāni gahitāneva. Vuttañhetaṃ pañhāvāre:- paṭisandhikkhaṇe vipākābyākatā āhārā sampayuttakānaṃ khandhānaṃ kaṭattā ca rūpānaṃ āhārapaccayena paccayoti. Ayaṃ tāvettha pālivaṇṇanā.