[๔๘] สิยา กุสลํ ธมฺมํ ปฏิจฺจ กุสโล ธมฺโม อุปฺปชฺเชยฺย เหตุปจฺจยา นอารมฺมณปจฺจยา ฯ สิยา กุสลํ ธมฺมํ ปฏิจฺจ อกุสโล ธมฺโม อุปฺปชฺเชยฺย เหตุปจฺจยา นอารมฺมณปจฺจยา ฯ ยถา อนุโลเม เหตุปจฺจโย วิตฺถาริโต เอวํ อนุโลมปจฺจนีเยปิ ปทํ วิตฺถาเรตพฺพํ ฯ
[๔๙] สิยา กุสลํ ธมฺมํ ปฏิจฺจ กุสโล ธมฺโม อุปฺปชฺเชยฺย เหตุปจฺจยา นอธิปติปจฺจยา ฯ เหตุปจฺจยา นอนนฺตรปจฺจยา ฯเปฯ เหตุปจฺจยา โนอวิคตปจฺจยา ฯ
[๕๐] สิยา กุสลํ ธมฺมํ ปฏิจฺจ กุสโล ธมฺโม อุปฺปชฺเชยฺย เหตุปจฺจยา อารมฺมณปจฺจยา นอธิปติปจฺจยา ฯ เหตุปจฺจยา อารมฺมณปจฺจยา นอนนฺตรปจฺจยา ฯเปฯ เหตุปจฺจยา อารมฺมณปจฺจยา โนอวิคตปจฺจยา ฯ เหตุปจฺจยา อารมฺมณปจฺจยา อธิปติปจฺจยา นอนนฺตรปจฺจยา เหตุปจฺจยา อารมฺมณปจฺจยา อธิปติปจฺจยา โนอวิคตปจฺจยา ฯ เหตุปจฺจยา อารมฺมณปจฺจยา อธิปติปจฺจยา อนนฺตรปจฺจยา นสมนนฺตรปจฺจยา เหตุปจฺจยา อารมฺมณปจฺจยา อธิปติปจฺจยา อนนฺตรปจฺจยา โนอวิคตปจฺจยา ฯ เหตุปจฺจยา อารมฺมณปจฺจยา อธิปติปจฺจยา อนนฺตรปจฺจยา สมนนฺตรปจฺจยา .. สหชาตปจฺจยา อญฺญมญฺญปจฺจยา นิสฺสยปจฺจยา อุปนิสฺสยปจฺจยา ปุเรชาตปจฺจยา ปจฺฉาชาตปจฺจยา อาเสวนปจฺจยา กมฺมปจฺจยา วิปากปจฺจยา อาหารปจฺจยา อินฺทฺริยปจฺจยา ฌานปจฺจยา มคฺคปจฺจยา สมฺปยุตฺตปจฺจยา วิปฺปยุตฺตปจฺจยา อตฺถิปจฺจยา นตฺถิปจฺจยา วิคตปจฺจยา .. โนอวิคตปจฺจยา ฯ
[๕๑] สิยา กุสลํ ธมฺมํ ปฏิจฺจ กุสโล ธมฺโม อุปฺปชฺเชยฺย อารมฺมณปจฺจยา อธิปติปจฺจยา อนนฺตรปจฺจยา ฯเปฯ อวิคตปจฺจยา นเหตุปจฺจยา ฯ อวิคตปจฺจยา นอารมฺมณปจฺจยา ฯเปฯ อวิคตปจฺจยา โนวิคตปจฺจยา ฯ อวิคตปจฺจยา เหตุปจฺจยา นอารมฺมณปจฺจยา อวิคตปจฺจยา เหตุปจฺจยา โนวิคตปจฺจยา ฯ อวิคตปจฺจยา เหตุปจฺจยา อารมฺมณปจฺจยา นอธิปติปจฺจยา อวิคตปจฺจยา เหตุปจฺจยา อารมฺมณปจฺจยา โนวิคตปจฺจยา ฯ อวิคตปจฺจยา เหตุปจฺจยา อารมฺมณปจฺจยา อธิปติปจฺจยา อนนฺตรปจฺจยา สมนนฺตรปจฺจยา สหชาตปจฺจยา ฯเปฯ .. โนวิคตปจฺจยา ฯ ติกญฺจ ปฏฺฐานวรํ ทุกุตฺตมํ ทุกตฺติกญฺเจว ติกทฺทุกญฺจ ติกตฺติกญฺเจว ทุกทฺทุกญฺจ ฉ อนุโลมปจฺจนียมฺหิ นยา สุคมฺภิรา ฯ