[๑๐๙๓] อทุกฺขมสุขาย เวทนาย สมฺปยุตฺตํ ธมฺมํ ปฏิจฺจ อทุกฺขมสุขาย เวทนาย สมฺปยุตฺโต ธมฺโม อุปฺปชฺชติ นปุเรชาตปจฺจยา อารุปฺเป อทุกฺขมสุขาย เวทนาย สมฺปยุตฺตํ เอกํ ขนฺธํ ปฏิจฺจ เทฺว ขนฺธา เทฺว ขนฺเธ ปฏิจฺจ เอโก ขนฺโธ ปฏิสนฺธิกฺขเณ อทุกฺขมสุขาย เวทนาย สมฺปยุตฺตํ เอกํ ขนฺธํ ปฏิจฺจ เทฺว ขนฺธา เทฺว ขนฺเธ ปฏิจฺจ เอโก ขนฺโธ ฯ

[๑๐๙๔] สุขาย เวทนาย สมฺปยุตฺตํ ธมฺมํ ปฏิจฺจ สุขาย เวทนาย สมฺปยุตฺโต ธมฺโม อุปฺปชฺชติ นปจฺฉาชาตปจฺจยา ... นอาเสวนปจฺจยา ... ฯ นปจฺฉาชาตมฺปิ นอาเสวนมฺปิ ปริปุณฺณํ ปฏิสนฺธิกํ ฯ

[๑๐๙๕] สุขาย เวทนาย สมฺปยุตฺตํ ธมฺมํ ปฏิจฺจ สุขาย เวทนาย สมฺปยุตฺโต ธมฺโม อุปฺปชฺชติ นกมฺมปจฺจยา สุขาย เวทนาย สมฺปยุตฺเต ขนฺเธ ปฏิจฺจ สุขาย เวทนาย สมฺปยุตฺตา เจตนา ฯ

[๑๐๙๖] ทุกฺขาย เวทนาย สมฺปยุตฺตํ ธมฺมํ ปฏิจฺจ ทุกฺขาย เวทนาย สมฺปยุตฺโต ธมฺโม อุปฺปชฺชติ นกมฺมปจฺจยา ทุกฺขาย เวทนาย สมฺปยุตฺเต ขนฺเธ ปฏิจฺจ ทุกฺขาย เวทนาย สมฺปยุตฺตา เจตนา ฯ