TIPITAKA Volume 40 : PALI ROMAN Abhidhamma Pitaka Vol 7 : Abhi. Pa.(1) Paṭṭhānaṃ Nissayavāro

[380] Kusalaṃ dhammaṃ nissāya kusalo dhammo uppajjati hetupaccayā kusalaṃ ekaṃ khandhaṃ nissāya tayo khandhā tayo khandhe nissāya eko khandho dve khandhe nissāya dve khandhā . kusalaṃ dhammaṃ nissāya abyākato dhammo uppajjati hetupaccayā kusale khandhe nissāya cittasamuṭṭhānaṃ rūpaṃ . kusalaṃ dhammaṃ nissāya kusalo ca abyākato ca dhammā uppajjanti hetupaccayā kusalaṃ ekaṃ khandhaṃ nissāya tayo khandhā cittasamuṭṭhānañca rūpaṃ tayo khandhe nissāya eko khandho cittasamuṭṭhānañca rūpaṃ dve khandhe nissāya dve khandhā cittasamuṭṭhānañca rūpaṃ.