ปริตฺตารมฺมณตฺติเก อปฺปมาณารมฺมณา เจตนาติ เสกฺขานํ โคตฺรภูเจตนา, ปจฺจเวกฺขณเจตนาติปิ วตฺตุํ วฏฺฏติ. วิปากานํ ปริตฺตารมฺมณานนฺติ ปฏิสนฺธิยํ กมฺมํ อารมฺมณํ กตฺวา, ปวตฺเต จกฺขุวิญฺญาณาทิวเสน รูปาทิอารมฺมณํ ตทารมฺมณ- วเสน ชวเนน คหิตปริตฺตารมฺมณญฺจ อารมฺมณํ กตฺวา อุปฺปนฺนานํ. เย ปน "โคตฺรภูจิตฺเตน นตฺถิ ปฏิสนฺธี"ติ วทนฺติ, เต อิมินา สุตฺเตน ปฏิเสเธตพฺพา. เสสเมตฺถ ปาลินเยเนว เวทิตพฺพํ. หีนตฺติโก สงฺกิลิฏฺฐตฺติกสทิโส.