[๑๐๔๒] อาจยคามึ ธมฺมํ ปจฺจยา อาจยคามิ ธมฺโม อุปฺปชฺชติ เหตุปจฺจยา อาจยคามึ เอกํ ขนฺธํ ปจฺจยา ตโย ขนฺธา เทฺว ขนฺเธ ปจฺจยา เทฺว ขนฺธา ฯ อาจยคามึ ธมฺมํ ปจฺจยา เนวาจยคามินาปจยคามิ ธมฺโม ... เหตุปจฺจยา อาจยคามี ขนฺเธ ปจฺจยา จิตฺตสมุฏฺฐานํ รูปํ ฯ อาจยคามึ ธมฺมํ ปจฺจยา อาจยคามิ จ เนวาจยคามินาปจยคามิ จ ธมฺมา ... อาจยคามึ เอกํ ขนฺธํ ปจฺจยา ตโย ขนฺธา จิตฺตสมุฏฺฐานญฺจ รูปํ เทฺว ขนฺเธ ... ฯ อปจยคามึ ธมฺมํ ปจฺจยา ... ตีณิ ฯ

[๑๐๔๓] เนวาจยคามินาปจยคามึ ธมฺมํ ปจฺจยา เนวาจยคามิ- *นาปจยคามิ ธมฺโม ... เหตุปจฺจยา เนวาจยคามินาปจยคามึ เอกํ ขนฺธํ ปจฺจยา ตโย ขนฺธา จิตฺตสมุฏฺฐานญฺจ รูปํ เทฺว ขนฺเธ ... ปฏิสนฺธิกฺขเณ ขนฺเธ ปจฺจยา วตฺถุ วตฺถุํ ปจฺจยา ขนฺธา เอกํ มหาภูตํ ปจฺจยา วตฺถุํ ปจฺจยา เนวาจยคามินาปจยคามี ขนฺธา ฯ เนวาจยคามินาปจยคามึ ธมฺมํ ปจฺจยา อาจยคามิ ธมฺโม ... เหตุปจฺจยา วตฺถุํ ปจฺจยา อาจยคามี ขนฺธา ฯ เนวาจยคามินาปจยคามึ ธมฺมํ ปจฺจยา อปจยคามิ ธมฺโม ... วตฺถุํ ปจฺจยา อปจยคามี ขนฺธา ฯ เนวาจยคามินาปจยคามึ ธมฺมํ ปจฺจยา อาจยคามิ จ เนวาจยคามินาปจยคามิ จ ธมฺมา ... วตฺถุํ ปจฺจยา อาจยคามี ขนฺธา มหาภูเต ปจฺจยา จิตฺตสมุฏฺฐานํ รูปํ ฯ เนวาจยคามินาปจยคามึ ธมฺมํ ปจฺจยา อปจยคามิ จ เนวาจยคามินาปจยคามิ จ ธมฺมา ... วตฺถุํ ปจฺจยา อปจยคามี ขนฺธา มหาภูเต ปจฺจยา จิตฺตสมุฏฺฐานํ รูปํ ฯ

[๑๐๔๔] อาจยคามิญฺจ เนวาจยคามินาปจยคามิญฺจ ธมฺมํ ปจฺจยา อาจยคามิ ธมฺโม ... เหตุปจฺจยา อาจยคามึ เอกํ ขนฺธญฺจ วตฺถุญฺจ ปจฺจยา ตโย ขนฺธา เทฺว ขนฺเธ ... ฯ อาจยคามิญฺจ เนวาจยคามินาปจยคามิญฺจ ธมฺมํ ปจฺจยา เนวาจยคามินาปจยคามิ ธมฺโม ... เหตุปจฺจยา อาจยคามี ขนฺเธ จ มหาภูเต จ ปจฺจยา จิตฺตสมุฏฺฐานํ รูปํ ฯ อาจยคามิญฺจ เนวาจยคามินาปจยคามิญฺจ ธมฺมํ ปจฺจยา อาจยคามิ จ เนวาจยคามินาปจยคามิ จ ธมฺมา อุปฺปชฺชนฺติ เหตุปจฺจยา อาจยคามึ เอกํ ขนฺธญฺจ วตฺถุญฺจ ปจฺจยา ตโย ขนฺธา เทฺว ขนฺเธ ... อาจยคามี ขนฺเธ จ มหาภูเต จ ปจฺจยา จิตฺตสมุฏฺฐานํ รูปํ ฯ อปจยคามิญฺจ เนวาจยคามินาปจยคามิญฺจ ธมฺมํ ปจฺจยา อปจยคามิ ธมฺโม ... ตีณิ ฯ