[๔๔] สวิตกฺกสวิจารญฺจ อวิตกฺกวิจารมตฺตญฺจ อวิตกฺกอวิจารญฺจ ธมฺมํ ปฏิจฺจ สวิตกฺกสวิจาโร ธมฺโม อุปฺปชฺชติ ... ปฏิสนฺธิกฺขเณ สวิตกฺกสวิจารํ เอกํ ขนฺธญฺจ วิตกฺกญฺจ วตฺถุญฺจ ปฏิจฺจ ตโย ขนฺธา เทฺว ขนฺเธ ... ขนฺธา วตฺถุํ วิปฺปยุตฺตปจฺจยา ฯ สวิตกฺกสวิจารญฺจ อวิตกฺกวิจารมตฺตญฺจ อวิตกฺกอวิจารญฺจ ธมฺมํ ปฏิจฺจ อวิตกฺกอวิจาโร ธมฺโม อุปฺปชฺชติ ... สวิตกฺกสวิจาเร ขนฺเธ จ วิตกฺกญฺจ มหาภูเต จ ปฏิจฺจ จิตฺตสมุฏฺฐานํ รูปํ ขนฺเธ จ วิตกฺกญฺจ วิปฺปยุตฺตปจฺจยา ปฏิสนฺธิกฺขเณ ขนฺเธ จ วิตกฺกญฺจ วิปฺปยุตฺตปจฺจยา ฯ

[๔๕] สวิตกฺกสวิจารญฺจ อวิตกฺกวิจารมตฺตญฺจ อวิตกฺกอวิจารญฺจ ธมฺมํ ปฏิจฺจ สวิตกฺกสวิจาโร จ อวิตกฺกอวิจาโร จ ธมฺมา อุปฺปชฺชนฺติ วิปฺปยุตฺตปจฺจยา ปฏิสนฺธิกฺขเณ สวิตกฺกสวิจารํ เอกํ ขนฺธญฺจ วิตกฺกญฺจ วตฺถุญฺจ ปฏิจฺจ ตโย ขนฺธา เทฺว ขนฺเธ จ สวิตกฺกสวิจาเร ขนฺเธ จ วิตกฺกญฺจ มหาภูเต จ ปฏิจฺจ กฏตฺตารูปํ ขนฺธา วตฺถุํ วิปฺปยุตฺตปจฺจยา กฏตฺตารูปํ ขนฺเธ จ วิตกฺกญฺจ วิปฺปยุตฺตปจฺจยา ฯ

[๔๖] สวิตกฺกสวิจารํ ธมฺมํ ปฏิจฺจ สวิตกฺกสวิจาโร ธมฺโม อุปฺปชฺชติ อตฺถิปจฺจยา ฯ สงฺขิตฺตํ ฯ นตฺถิปจฺจยา วิคตปจฺจยา อวิคตปจฺจยา ฯ

[๔๗] เหตุยา สตฺตตฺตึส อารมฺมเณ เอกวีส อธิปติยา เตวีส อนนฺตเร เอกวีส สมนนฺตเร เอกวีส สหชาเต สตฺตตฺตึส อญฺญมญฺเญ อฏฺฐวีส นิสฺสเย สตฺตตฺตึส อุปนิสฺสเย เอกวีส ปุเรชาเต เอกาทส อาเสวเน เอกาทส กมฺเม สตฺตตฺตึส วิปาเก สตฺตตฺตึส อาหาเร อินฺทฺริเย ฌาเน มคฺเค สตฺตตฺตึส สมฺปยุตฺเต เอกวีส วิปฺปยุตฺเต สตฺตตฺตึส อตฺถิยา สตฺตตฺตึส นตฺถิยา เอกวีส วิคเต เอกวีส อวิคเต สตฺตตฺตึส ฯ เหตุปจฺจยา อารมฺมเณ เอกวีส ฯ สงฺขิตฺตํ ฯ ยถา กุสลตฺติเก คณนา เอวํ คเณตพฺพํ ฯ อนุโลมํ ฯ