[๙๒๐] ทสฺสเนนปหาตพฺพเหตุโก ธมฺโม ทสฺสเนนปหาตพฺพเหตุกสฺส ธมฺมสฺส สมนนฺตรปจฺจเยน ปจฺจโย ฯ อนนฺตรสทิสํ ฯ สหชาตปจฺจเยน ปจฺจโย ฯ สงฺขิตฺตํ ฯ ปฏิจฺจวาเร สหชาตสทิสํ ฯ อญฺญมญฺญปจฺจเยน ปจฺจโย ฯ สงฺขิตฺตํ ฯ ปฏิจฺจวาเร อญฺญมญฺญสทิสํ ฯ นิสฺสยปจฺจเยน ปจฺจโย ฯ สงฺขิตฺตํ ฯ ปจฺจยวาเร นิสฺสยวารสทิสํ ฯ วิสุํ ฆฏนา นตฺถิ ฯ

[๙๒๑] ทสฺสเนนปหาตพฺพเหตุโก ธมฺโม ทสฺสเนนปหาตพฺพเหตุกสฺส ธมฺมสฺส อุปนิสฺสยปจฺจเยน ปจฺจโย อารมฺมณูปนิสฺสโย อนนฺตรูปนิสฺสโย ปกตูปนิสฺสโย ฯ ปกตูปนิสฺสโย: ทสฺสเนนปหาตพฺพเหตุกํ ราคํ อุปนิสฺสาย ปาณํ หนติ ... สงฺฆํ ภินฺทติ ทสฺสเนนปหาตพฺพเหตุกํ โทสํ ... โมหํ ... ทิฏฺฐึ ... ปตฺถนํ อุปนิสฺสาย ปาณํ หนติ ... สงฺฆํ ภินฺทติ ทสฺสเนนปหาตพฺพเหตุโก ราโค ... โทโส โมโห ทิฏฺฐิ ... ปตฺถนา ทสฺสเนนปหาตพฺพเหตุกสฺส ราคสฺส ปตฺถนาย อุปนิสฺสยปจฺจเยน ปจฺจโย ฯ

[๙๒๒] ทสฺสเนนปหาตพฺพเหตุโก ธมฺโม เนวทสฺสเนนนภาวนาย- *ปหาตพฺพเหตุกสฺส ธมฺมสฺส อุปนิสฺสยปจฺจเยน ปจฺจโย อนนฺตรูปนิสฺสโย ปกตูปนิสฺสโย ฯ ปกตูปนิสฺสโย: ทสฺสเนนปหาตพฺพเหตุกํ ราคํ อุปนิสฺสาย ทานํ เทติ ... สมาปตฺตึ อุปฺปาเทติ ทสฺสเนนปหาตพฺพเหตุกํ โทสํ ... โมหํ ... ทิฏฺฐึ ... ปตฺถนํ อุปนิสฺสาย ทานํ เทติ ... สมาปตฺตึ อุปฺปาเทติ ทสฺสเนนปหาตพฺพเหตุโก ราโค ... ปตฺถนา สทฺธาย ปญฺญาย กายิกสฺส สุขสฺส กายิกสฺส ทุกฺขสฺส ผลสมาปตฺติยา โมหสฺส จ อุปนิสฺสยปจฺจเยน ปจฺจโย ฯ

[๙๒๓] ทสฺสเนนปหาตพฺพเหตุโก ธมฺโม ทสฺสเนนปหาตพฺพเหตุกสฺส จ เนวทสฺสเนนนภาวนายปหาตพฺพเหตุกสฺส จ ธมฺมสฺส อุปนิสฺสยปจฺจเยน ปจฺจโย อนนฺตรูปนิสฺสโย ปกตูปนิสฺสโย ฯ ปกตูปนิสฺสโย: ทสฺสเนนปหาตพฺพเหตุโก ราโค ... โทโส โมโห ทิฏฺฐิ ... ปตฺถนา วิจิกิจฺฉาสหคตานํ ขนฺธานํ โมหสฺส จ อุปนิสฺสยปจฺจเยน ปจฺจโย ฯ