[๙๗๒] เนวทสฺสเนนนภาวนายปหาตพฺพเหตุโก ธมฺโม เนวทสฺสเนนนภาวนายปหาตพฺพเหตุกสฺส ธมฺมสฺส ... สหชาตํ ปุเรชาตํ ปจฺฉาชาตํ ฯ ทสฺสนตฺติกสทิสํ ฯ ปจฺฉาชาตา: เนวทสฺสเนนนภาวนายปหาตพฺพเหตุกา ขนฺธา จ โมโห จ ปุเรชาตสฺส อิมสฺส กายสฺส ฯ

[๙๗๓] เนวทสฺสเนนนภาวนายปหาตพฺพเหตุโก ธมฺโม ทสฺสเนนปหาตพฺพเหตุกสฺส ธมฺมสฺส ... ฯ ปุเรชาตํ: วตฺถุ ทสฺสเนนปหาตพฺพเหตุกานํ ขนฺธานํ ฯ

[๙๗๔] เนวทสฺสเนนนภาวนายปหาตพฺพเหตุโก ธมฺโม ภาวนายปหาตพฺพเหตุกสฺส ธมฺมสฺส ... ฯ ปุเรชาตํ: วตฺถุ ภาวนายปหาตพฺพเหตุกานํ ขนฺธานํ ฯ

[๙๗๕] เนวทสฺสเนนนภาวนายปหาตพฺพเหตุโก ธมฺโม ทสฺสเนนปหาตพฺพเหตุกสฺส จ เนวทสฺสเนนนภาวนายปหาตพฺพเหตุกสฺส จ ธมฺมสฺส ... ฯ ปุเรชาตํ: วตฺถุ วิจิกิจฺฉาสหคตานํ ขนฺธานํ โมหสฺส จ วิปฺปยุตฺตปจฺจเยน ปจฺจโย ฯ