[๙๔] สวิตกฺกสวิจารญฺจ อวิตกฺกวิจารมตฺตญฺจ ธมฺมํ ปฏิจฺจ สวิตกฺกสวิจาโร ธมฺโม อุปฺปชฺชติ นวิปฺปยุตฺตปจฺจยา อรูเป สวิตกฺกสวิจารํ เอกํ ขนฺธญฺจ วิตกฺกญฺจ ปฏิจฺจ ตโย ขนฺธา เทฺว ขนฺเธ จ วิตกฺกญฺจ ปฏิจฺจ เทฺว ขนฺธา ฯ
[๙๕] สวิตกฺกสวิจารํ ธมฺมํ ปฏิจฺจ อวิตกฺกอวิจาโร ธมฺโม อุปฺปชฺชติ โนนตฺถิปจฺจยา โนวิคตปจฺจยา ฯ
[๙๖] นเหตุยา เตตฺตึส นอารมฺมเณ สตฺต นอธิปติยา สตฺตตฺตึส นอนนฺตเร สตฺต นสมนนฺตเร สตฺต นอญฺญมญฺเญ สตฺต นอุปนิสฺสเย สตฺต นปุเรชาเต สตฺตตฺตึส นปจฺฉาชาเต สตฺตตฺตึส นอาเสวเน สตฺตตฺตึส นกมฺเม สตฺต นวิปาเก วีส นอาหาเร เอกํ นอินฺทฺริเย เอกํ นฌาเน เอกํ นมคฺเค เตตฺตึส นสมฺปยุตฺเต สตฺต นวิปฺปยุตฺเต เอกาทส โนนตฺถิยา สตฺต โนวิคเต สตฺต ฯ ยถา กุสลตฺติเก ปจฺจนียคณนา เอวํ คเณตพฺพํ ฯ ปจฺจนียํ ฯ
[๙๗] เหตุปจฺจยา นอารมฺมเณ สตฺต ฯ สงฺขิตฺตํ ฯ ยถา กุสลตฺติเก อนุโลมปจฺจนียคณนา เอวํ คเณตพฺพํ ฯ