[๑๐๓๒] อาจยคามึ ธมฺมํ ปฏิจฺจ อาจยคามิ ธมฺโม อุปฺปชฺชติ นอธิปติปจฺจยา ตีณิ ฯ อปจยคามึ ธมฺมํ ปฏิจฺจ อปจยคามิ ธมฺโม อุปฺปชฺชติ นอธิปติปจฺจยา อปจยคามี ขนฺเธ ปฏิจฺจ อปจยคามิ อธิปติ ฯ เนวาจยคามินาปจยคามึ ธมฺมํ ปฏิจฺจ เนวาจยคามินาปจยคามิ ธมฺโม ... นอธิปติปจฺจยา เนวาจยคามินาปจยคามึ เอกํ ขนฺธํ ปฏิจฺจ ตโย ขนฺธา จิตฺตสมุฏฺฐานํ รูปํ เทฺว ขนฺเธ ... ปฏิสนฺธิกฺขเณ ขนฺเธ ปฏิจฺจ วตฺถุ วตฺถุํ ปฏิจฺจ ขนฺธา เอกํ มหาภูตํ ... พาหิรํ ... ฯ สงฺขิตฺตํ ฯ อสญฺญสตฺตานํ เอกํ มหาภูตํ ... ฯ
[๑๐๓๓] อาจยคามิญฺจ เนวาจยคามินาปจยคามิญฺจ ธมฺมํ ปฏิจฺจ เนวาจยคามินาปจยคามิ ธมฺโม ... นอธิปติปจฺจยา อาจยคามี ขนฺเธ จ มหาภูเต จ ปฏิจฺจ จิตฺตสมุฏฺฐานํ รูปํ ฯ
[๑๐๓๔] อาจยคามึ ธมฺมํ ปฏิจฺจ เนวาจยคามินาปจยคามิ ธมฺโม ... นอนนฺตรปจฺจยา นสมนนฺตรปจฺจยา นอญฺญมญฺญปจฺจยา นอุปนิสฺสยปจฺจยา นปุเรชาตปจฺจยา กุสลตฺติกสทิสา สตฺต ปญฺหา ฯ นปจฺฉาชาตปจฺจยา ฯ
[๑๐๓๕] อาจยคามึ ธมฺมํ ปฏิจฺจ อาจยคามิ ธมฺโม อุปฺปชฺชติ นอาเสวนปจฺจยา ตีณิ ฯ อปจยคามึ ธมฺมํ ปฏิจฺจ เนวาจยคามินาปจยคามิ ธมฺโม อุปฺปชฺชติ นอาเสวนปจฺจยา อปจยคามี ขนฺเธ ปฏิจฺจ จิตฺตสมุฏฺฐานํ รูปํ ฯ เนวาจยคามินาปจยคามึ ธมฺมํ ปฏิจฺจ เนวาจยคามินาปจยคามิ ธมฺโม ... นอาเสวนปจฺจยา เอกา ปญฺหา ฯ สพฺเพ มหาภูตา กาตพฺพา ฯ