[๑๐๕๗] อาจยคามิญฺจ เนวาจยคามินาปจยคามิญฺจ ธมฺมํ ปจฺจยา อาจยคามิ ธมฺโม ... นอธิปติปจฺจยา อาจยคามึ เอกํ ขนฺธญฺจ วตฺถุญฺจ ปจฺจยา ตโย ขนฺธา เทฺว ขนฺเธ ... ฯ อาจยคามิญฺจ เนวาจยคามินาปจยคามิญฺจ ธมฺมํ ปจฺจยา เนวาจยคามินาปจยคามิ ธมฺโม ... อาจยคามี ขนฺเธ จ มหาภูเต จ ปจฺจยา จิตฺตสมุฏฺฐานํ รูปํ ฯ อาจยคามิญฺจ เนวาจยคามินาปจยคามิญฺจ ธมฺมํ ปจฺจยา อาจยคามิ จ เนวาจยคามินาปจยคามิ จ ธมฺมา ... อาจยคามึ เอกํ ขนฺธญฺจ วตฺถุญฺจ ปจฺจยา ตโย ขนฺธา เทฺว ขนฺเธ ... อาจยคามี ขนฺเธ จ มหาภูเต จ ปจฺจยา จิตฺตสมุฏฺฐานํ รูปํ ฯ
[๑๐๕๘] อปจยคามิญฺจ เนวาจยคามินาปจยคามิญฺจ ธมฺมํ ปจฺจยา อปจยคามิ ธมฺโม ... นอธิปติปจฺจยา อปจยคามี ขนฺเธ จ วตฺถุญฺจ ปจฺจยา อปจยคามิ อธิปติ ฯ นอนนฺตรปจฺจยา นสมนนฺตรปจฺจยา นอญฺญมญฺญปจฺจยา นอุปนิสฺสยปจฺจยา นปุเรชาตปจฺจยา ปฏิจฺจวารสทิสา สตฺต ปญฺหา ฯ นปจฺฉาชาตปจฺจยา ปริปุณฺณํ ฯ
[๑๐๕๙] อาจยคามึ ธมฺมํ ปจฺจยา อาจยคามิ ธมฺโม ... นอาเสวนปจฺจยา ตีณิ ฯ อปจยคามึ ธมฺมํ ปจฺจยา เนวาจยคามินาปจยคามิ ธมฺโม ... นอาเสวนปจฺจยา อปจยคามี ขนฺเธ ปจฺจยา จิตฺตสมุฏฺฐานํ รูปํ ฯ เนวาจยคามินาปจยคามึ ธมฺมํ ปจฺจยา เนวาจยคามินาปจยคามิ ธมฺโม ฯ สงฺขิตฺตํ ฯ อสญฺญสตฺตานํ ... จกฺขายตนํ ปจฺจยา กายายตนํ ปจฺจยา วตฺถุํ ปจฺจยา เนวาจยคามินาปจยคามี ขนฺธา ฯ เนวาจยคามินาปจยคามึ ธมฺมํ ปจฺจยา อาจยคามิ ธมฺโม ... นอาเสวนปจฺจยา วตฺถุํ ปจฺจยา อาจยคามี ขนฺธา ฯ เนวาจยคามิ- *นาปจยคามึ ธมฺมํ ปจฺจยา อาจยคามิ จ เนวาจยคามินาปจยคามิ จ ธมฺมา ... วตฺถุํ ปจฺจยา อาจยคามี ขนฺธา มหาภูเต ปจฺจยา จิตฺตสมุฏฺฐานํ รูปํ ฯ
[๑๐๖๐] อาจยคามิญฺจ เนวาจยคามินาปจยคามิญฺจ ธมฺมํ ปจฺจยา อาจยคามิ ธมฺโม ... อาจยคามึ เอกํ ขนฺธญฺจ วตฺถุญฺจ ปจฺจยา ตโย ขนฺธา เทฺว ขนฺเธ ... ฯ อาจยคามิญฺจ เนวาจยคามินาปจยคามิญฺจ ธมฺมํ ปจฺจยา เนวาจยคามินาปจยคามิ ธมฺโม ... อาจยคามี ขนฺเธ จ มหาภูเต จ ปจฺจยา จิตฺตสมุฏฺฐานํ รูปํ ฯ อาจยคามิญฺจ เนวาจยคามินาปจยคามิญฺจ ธมฺมํ ปจฺจยา อาจยคามิ จ เนวาจยคามินาปจยคามิ จ ธมฺมา ... อาจยคามึ เอกํ ขนฺธญฺจ วตฺถุญฺจ ปจฺจยา ตโย ขนฺธา เทฺว ขนฺเธ จ วตฺถุญฺจ ปจฺจยา อาจยคามี ขนฺเธ จ มหาภูเต จ ปจฺจยา จิตฺตสมุฏฺฐานํ รูปํ ฯ อาจยคามิญฺจ เนวาจยคามินาปจยคามิญฺจ ธมฺมํ ปจฺจยา เนวาจยคามินาปจยคามิ ธมฺโม ... นอาเสวนปจฺจยา อปจยคามี ขนฺเธ จ มหาภูเต จ ปจฺจยา จิตฺตสมุฏฺฐานํ รูปํ ฯ