[๑๐๖๑] อาจยคามึ ธมฺมํ ปจฺจยา อาจยคามิ ธมฺโม อุปฺปชฺชติ นกมฺมปจฺจยา อาจยคามี ขนฺเธ ปจฺจยา อาจยคามิ เจตนา ฯ อปจยคามึ ธมฺมํ ปจฺจยา อปจยคามิ ธมฺโม ... นกมฺมปจฺจยา อปจยคามี ขนฺเธ ปจฺจยา อปจยคามิ เจตนา ฯ เนวาจยคามินาปจยคามึ ธมฺมํ ปจฺจยา เนวาจยคามินาปจยคามิ ธมฺโม ... นกมฺมปจฺจยา เนวาจยคามินาปจยคามี ขนฺเธ ปจฺจยา เนวาจยคามิ- *นาปจยคามิ เจตนา พาหิรํ ... อาหารสมุฏฺฐานํ ... อุตุสมุฏฺฐานํ ... วตฺถุํ ปจฺจยา เนวาจยคามินาปจยคามิ เจตนา ฯ เนวาจยคามินาปจยคามึ ธมฺมํ ปจฺจยา อาจยคามิ ธมฺโม ... นกมฺมปจฺจยา วตฺถุํ ปจฺจยา อาจยคามิ เจตนา ฯ เนวาจยคามินาปจยคามึ ธมฺมํ ปจฺจยา อปจยคามิ ธมฺโม ... นกมฺมปจฺจยา วตฺถุํ ปจฺจยา อปจยคามิ เจตนา ฯ

[๑๐๖๒] อาจยคามิญฺจ เนวาจยคามินาปจยคามิญฺจ ธมฺมํ ปจฺจยา อาจยคามิ ธมฺโม ... นกมฺมปจฺจยา อาจยคามี ขนฺเธ จ วตฺถุญฺจ ปจฺจยา อาจยคามิ เจตนา ฯ

[๑๐๖๓] อปจยคามิญฺจ เนวาจยคามินาปจยคามิญฺจ ธมฺมํ ปจฺจยา อปจยคามิ ธมฺโม ... นกมฺมปจฺจยา อปจยคามี ขนฺเธ จ วตฺถุญฺจ ปจฺจยา อาจยคามิ เจตนา ฯ

[๑๐๖๔] อาจยคามึ ธมฺมํ ปจฺจยา อาจยคามิ ธมฺโม ... นวิปากปจฺจยา ฯ ปริปุณฺณํ กาตพฺพํ ฯ ปฏิสนฺธิกฺขเณ นตฺถิ ฯ