[๑๖๕๘] มิจฺฉตฺตนิยตํ ธมฺมํ ปจฺจยา มิจฺฉตฺตนิยโต ธมฺโม ... นอธิปติปจฺจยา มิจฺฉตฺตนิยเต ขนฺเธ ปจฺจยา มิจฺฉตฺตนิยตา อธิปติ ฯ

[๑๖๕๙] สมฺมตฺตนิยตํ ธมฺมํ ปจฺจยา สมฺมตฺตนิยโต ธมฺโม ... นอธิปติปจฺจยา สมฺมตฺตนิยเต ขนฺเธ ปจฺจยา สมฺมตฺตนิยตา อธิปติ ฯ

[๑๖๖๐] อนิยตํ ธมฺมํ ปจฺจยา อนิยโต ธมฺโม ... นอธิปติปจฺจยา อนิยตํ เอกํ ขนฺธํ ปจฺจยา ตโย ขนฺธา จิตฺตสมุฏฺฐานญฺจ รูปํ เทฺว ขนฺเธ ... ปฏิสนฺธิกฺขเณ ... ฯ สงฺขิตฺตํ ฯ อสญฺญสตฺตานํ ... จกฺขายตนํ ปจฺจยา ... กายายตนํ ปจฺจยา ... วตฺถุํ ปจฺจยา อนิยตา ขนฺธา ฯ อนิยตํ ธมฺมํ ปจฺจยา มิจฺฉตฺตนิยโต ธมฺโม ... นอธิปติปจฺจยา วตฺถุํ ปจฺจยา มิจฺฉตฺตนิยตา อธิปติ ฯ อนิยตํ ธมฺมํ ปจฺจยา สมฺมตฺตนิยโต ธมฺโม ... นอธิปติปจฺจยา วตฺถุํ ปจฺจยา สมฺมตฺตนิยตา อธิปติ ฯ

[๑๖๖๑] มิจฺฉตฺตนิยตญฺจ อนิยตญฺจ ธมฺมํ ปจฺจยา มิจฺฉตฺตนิยโต ธมฺโม ... นอธิปติปจฺจยา มิจฺฉตฺตนิยเต ขนฺเธ จ วตฺถุญฺจ ปจฺจยา มิจฺฉตฺตนิยตา อธิปติ ฯ