[๑๗๒] สวิตกฺกสวิจาโร จ อวิตกฺกวิจารมตฺโต จ ธมฺมา สวิตกฺกสวิจารสฺส จ อวิตกฺกวิจารมตฺตสฺส จ ธมฺมสฺส อธิปติปจฺจเยน ปจฺจโย ฯ อารมฺมณาธิปติ: สวิตกฺกสวิจาเร ขนฺเธ จ วิตกฺกญฺจ ครุํ กตฺวา สวิตกฺกสวิจารา ขนฺธา จ วิตกฺโก จ อุปฺปชฺชนฺติ ฯ
[๑๗๓] สวิตกฺกสวิจาโร ธมฺโม สวิตกฺกสวิจารสฺส ธมฺมสฺส อนนฺตรปจฺจเยน ปจฺจโย ปุริมา ปุริมา สวิตกฺกสวิจารา ขนฺธา ปจฺฉิมานํ ปจฺฉิมานํ สวิตกฺกสวิจารานํ ขนฺธานํ อนนฺตรปจฺจเยน ปจฺจโย อนุโลมํ โคตฺรภุสฺส อนุโลมํ โวทานสฺส โคตฺรภุ สวิตกฺกสวิจารสฺส มคฺคสฺส โวทานํ สวิตกฺกสวิจารสฺส มคฺคสฺส สวิตกฺกสวิจาโร มคฺโค สวิตกฺกสวิจารสฺส ผลสฺส สวิตกฺกสวิจารํ ผลํ สวิตกฺกสวิจารสฺส ผลสฺส อนุโลมํ สวิตกฺกสวิจาราย ผลสมาปตฺติยา อนนฺตรปจฺจเยน ปจฺจโย ฯ
[๑๗๔] สวิตกฺกสวิจาโร ธมฺโม อวิตกฺกวิจารมตฺตสฺส ธมฺมสฺส อนนฺตรปจฺจเยน ปจฺจโย ปุริมา ปุริมา สวิตกฺกสวิจารา ขนฺธา ปจฺฉิมสฺส ปจฺฉิมสฺส วิตกฺกสฺส อนนฺตรปจฺจเยน ปจฺจโย สวิตกฺกสวิจารํ จุติจิตฺตํ อวิตกฺกวิจารมตฺตสฺส อุปปตฺติจิตฺตสฺส สวิตกฺกสวิจารา ขนฺธา อวิตกฺกวิจารมตฺตสฺส วุฏฺฐานสฺส วิตกฺกสฺส จ อวิตกฺกวิจารมตฺตสฺส ฌานสฺส ปริกมฺมํ อวิตกฺกวิจารมตฺตสฺส ฌานสฺส โคตฺรภุ อวิตกฺกวิจารมตฺตสฺส มคฺคสฺส โวทานํ อวิตกฺกวิจารมตฺตสฺส มคฺคสฺส อนุโลมํ อวิตกฺกวิจารมตฺตาย ผลสมาปตฺติยา วิตกฺกสฺส จ อนนฺตรปจฺจเยน ปจฺจโย ฯ
[๑๗๕] สวิตกฺกสวิจาโร ธมฺโม อวิตกฺกอวิจารสฺส ธมฺมสฺส อนนฺตรปจฺจเยน ปจฺจโย อาวชฺชนา ปญฺจนฺนํ วิญฺญาณานํ อนนฺตรปจฺจเยน ปจฺจโย สวิตกฺกสวิจารํ จุติจิตฺตํ อวิตกฺกอวิจารสฺส อุปปตฺติจิตฺตสฺส วิจารสฺส จ อนนฺตรปจฺจเยน ปจฺจโย สวิตกฺกสวิจารา ขนฺธา อวิตกฺกอวิจารสฺส วุฏฺฐานสฺส วิจารสฺส จ ทุติยสฺส ฌานสฺส ปริกมฺมํ ทุติเย ฌาเน วิจารสฺส อนนฺตรปจฺจเยน ปจฺจโย ตติยสฺส ฌานสฺส ปริกมฺมํ ... จตุตฺถสฺส ฌานสฺส ปริกมฺมํ ... อากาสานญฺจายตนสฺส ปริกมฺมํ ... วิญฺญาณญฺจายตนสฺส ปริกมฺมํ ... อากิญฺจญฺญายตนสฺส ปริกมฺมํ ... เนวสญฺญานาสญฺญายตนสฺส ปริกมฺมํ ... ทิพฺพสฺส จกฺขุสฺส ปริกมฺมํ ... ทิพฺพาย โสตธาตุยา ปริกมฺมํ ... อิทฺธิวิธญาณสฺส ปริกมฺมํ ... เจโตปริยญาณสฺส ปริกมฺมํ ปุพฺเพนิวาสานุสฺสติญาณสฺส ยถากมฺมูปคญาณสฺส อนาคตํสญาณสฺส ปริกมฺมํ ... โคตฺรภุ อวิตกฺกอวิจารสฺส มคฺคสฺส วิจารสฺส จ โวทานํ อวิตกฺกอวิจารสฺส มคฺคสฺส วิจารสฺส จ อนุโลมํ อวิตกฺกอวิจาราย ผลสมาปตฺติยา วิจารสฺส จ อนนฺตรปจฺจเยน ปจฺจโย ฯ