[๑๙๕] สวิตกฺกสวิจาโร จ อวิตกฺกวิจารมตฺโต จ ธมฺมา อวิตกฺกอวิจารสฺส ธมฺมสฺส อนนฺตรปจฺจเยน ปจฺจโย อาวชฺชนา จ วิตกฺโก จ ปญฺจนฺนํ วิญฺญาณานํ อนนฺตรปจฺจเยน ปจฺจโย สวิตกฺกสวิจารํ จุติจิตฺตญฺจ วิตกฺโก จ อวิตกฺกอวิจารสฺส อุปปตฺติจิตฺตสฺส วิจารสฺส จ อนนฺตรปจฺจเยน ปจฺจโย สวิตกฺกสวิจารา ขนฺธา จ วิตกฺโก จ อวิตกฺกอวิจารสฺส วุฏฺฐานสฺส จ วิจารสฺส จ อนนฺตรปจฺจเยน ปจฺจโย ทุติยสฺส ฌานสฺส ปริกมฺมญฺจ วิตกฺโก จ ทุติยสฺส ฌานสฺส จ วิจารสฺส จ อนนฺตรปจฺจเยน ปจฺจโย ตติยสฺส ฌานสฺส ปริกมฺมญฺจ วิตกฺโก จ จตุตฺถสฺส ฌานสฺส ปริกมฺมญฺจ วิตกฺโก จ อากาสานญฺจายตนสฺส ปริกมฺมญฺจ วิตกฺโก จ วิญฺญาณญฺจายตนสฺส ปริกมฺมญฺจ วิตกฺโก จ อากิญฺจญฺญายตนสฺส ปริกมฺมญฺจ วิตกฺโก จ เนวสญฺญานาสญฺญายตนสฺส ปริกมฺมญฺจ วิตกฺโก จ ทิพฺพสฺส จกฺขุสฺส ปริกมฺมญฺจ วิตกฺโก จ ทิพฺพาย โสตธาตุยา ปริกมฺมญฺจ วิตกฺโก จ อิทฺธิวิธญาณสฺส ปริกมฺมญฺจ วิตกฺโก จ เจโตปริยญาณสฺส ปริกมฺมญฺจ วิตกฺโก จ ปุพฺเพนิวาสานุสฺสติญาณสฺส ฯเปฯ ยถากมฺมูปคญาณสฺส ฯเปฯ อนาคตํสญาณสฺส ปริกมฺมญฺจ วิตกฺโก จ โคตฺรภุ จ วิตกฺโก จ อวิตกฺกอวิจารสฺส มคฺคสฺส จ วิจารสฺส จ โวทานญฺจ วิตกฺโก จ อวิตกฺกอวิจารสฺส มคฺคสฺส วิจารสฺส จ อนุโลมญฺจ วิตกฺโก จ อวิตกฺกอวิจาราย ผลสมาปตฺติยา วิจารสฺส จ อนนฺตรปจฺจเยน ปจฺจโย ฯ

[๑๙๖] สวิตกฺกสวิจาโร จ อวิตกฺกวิจารมตฺโต จ ธมฺมา อวิตกฺกวิจารมตฺตสฺส จ อวิตกฺกอวิจารสฺส จ ธมฺมสฺส อนนฺตรปจฺจเยน ปจฺจโย สวิตกฺกสวิจารํ จุติจิตฺตญฺจ วิตกฺโก จ อวิตกฺกวิจารมตฺตสฺส อุปปตฺติจิตฺตสฺส จ วิจารสฺส จ อนนฺตรปจฺจเยน ปจฺจโย สวิตกฺกสวิจารา ขนฺธา จ วิตกฺโก จ อวิตกฺกวิจารมตฺตสฺส วุฏฺฐานสฺส จ วิจารสฺส จ อนนฺตรปจฺจเยน ปจฺจโย อวิตกฺกวิจารมตฺตสฺส ฌานสฺส ปริกมฺมญฺจ วิตกฺโก จ อวิตกฺกวิจารมตฺตสฺส ฌานสฺส จ วิจารสฺส จ อนนฺตรปจฺจเยน ปจฺจโย โคตฺรภุ จ วิตกฺโก จ อวิตกฺกวิจารมตฺตสฺส มคฺคสฺส จ วิจารสฺส จ อนนฺตรปจฺจเยน ปจฺจโย โวทานญฺจ วิตกฺโก จ อวิตกฺกวิจารมตฺตสฺส มคฺคสฺส จ วิจารสฺส จ อนุโลมญฺจ วิตกฺโก จ อวิตกฺกวิจารมตฺตาย ผลสมาปตฺติยา จ วิจารสฺส จ อนนฺตรปจฺจเยน ปจฺจโย ฯ