[๒๓๖] อวิตกฺกวิจารมตฺโต ธมฺโม อวิตกฺกวิจารมตฺตสฺส ธมฺมสฺส อญฺญมญฺญปจฺจเยน ปจฺจโย อวิตกฺกวิจารมตฺโต เอโก ขนฺโธ ติณฺณนฺนํ ขนฺธานํ อญฺญมญฺญปจฺจเยน ปจฺจโย เทฺว ขนฺธา ทฺวินฺนํ ขนฺธานํ อญฺญมญฺญปจฺจเยน ปจฺจโย ปฏิสนฺธิกฺขเณ ... ฯ

[๒๓๗] อวิตกฺกวิจารมตฺโต ธมฺโม สวิตกฺกสวิจารสฺส ธมฺมสฺส อญฺญมญฺญปจฺจเยน ปจฺจโย วิตกฺโก สวิตกฺกสวิจารานํ ขนฺธานํ อญฺญมญฺญปจฺจเยน ปจฺจโย ฯเปฯ ปฏิสนฺธิกฺขเณ ... ฯ

[๒๓๘] อวิตกฺกวิจารมตฺโต ธมฺโม อวิตกฺกอวิจารสฺส ธมฺมสฺส อญฺญมญฺญปจฺจเยน ปจฺจโย อวิตกฺกวิจารมตฺตา ขนฺธา วิจารสฺส อญฺญมญฺญปจฺจเยน ปจฺจโย ปฏิสนฺธิกฺขเณ อวิตกฺกวิจารมตฺตา ขนฺธา วิจารสฺส จ วตฺถุสฺส จ อญฺญมญฺญปจฺจเยน ปจฺจโย ปฏิสนฺธิกฺขเณ วิตกฺโก วตฺถุสฺส อญฺญมญฺญปจฺจเยน ปจฺจโย ฯ

[๒๓๙] อวิตกฺกวิจารมตฺโต ธมฺโม สวิตกฺกสวิจารสฺส จ อวิตกฺกอวิจารสฺส จ ธมฺมสฺส อญฺญมญฺญปจฺจเยน ปจฺจโย ปฏิสนฺธิกฺขเณ วิตกฺโก สวิตกฺกสวิจารานํ ขนฺธานํ วตฺถุสฺส จ อญฺญมญฺญปจฺจเยน ปจฺจโย ฯ