[๒๖๐] อวิตกฺกอวิจาโร ธมฺโม อวิตกฺกวิจารมตฺตสฺส ธมฺมสฺส นิสฺสยปจฺจเยน ปจฺจโย วิจาโร อวิตกฺกวิจารมตฺตานํ ขนฺธานํ นิสฺสยปจฺจเยน ปจฺจโย วตฺถุ อวิตกฺกวิจารมตฺตานํ ขนฺธานํ วิตกฺกสฺส จ นิสฺสยปจฺจเยน ปจฺจโย ปฏิสนฺธิกฺขเณ ฯ สงฺขิตฺตํ ฯ
[๒๖๑] อวิตกฺกอวิจาโร ธมฺโม อวิตกฺกวิจารมตฺตสฺส จ อวิตกฺกอวิจารสฺส จ ธมฺมสฺส นิสฺสยปจฺจเยน ปจฺจโย วิจาโร อวิตกฺกวิจารมตฺตานํ ขนฺธานํ จิตฺตสมุฏฺฐานานญฺจ รูปานํ วตฺถุ อวิตกฺกวิจารมตฺตานํ ขนฺธานํ วิจารสฺส จ นิสฺสยปจฺจเยน ปจฺจโย ปฏิสนฺธิกฺขเณ วิจาโร ... ฯ
[๒๖๒] อวิตกฺกอวิจาโร ธมฺโม สวิตกฺกสวิจารสฺส จ อวิตกฺกวิจารมตฺตสฺส จ ธมฺมสฺส นิสฺสยปจฺจเยน ปจฺจโย วตฺถุ สวิตกฺกสวิจารานํ ขนฺธานํ วิตกฺกสฺส จ นิสฺสยปจฺจเยน ปจฺจโย ปฏิสนฺธิกฺขเณ วตฺถุ ... ฯ
[๒๖๓] สวิตกฺกสวิจาโร จ อวิตกฺกอวิจาโร จ ธมฺมา สวิตกฺกสวิจารสฺส ธมฺมสฺส นิสฺสยปจฺจเยน ปจฺจโย สวิตกฺกสวิจาโร เอโก ขนฺโธ จ วตฺถุ จ ติณฺณนฺนํ ขนฺธานํ นิสฺสยปจฺจเยน ปจฺจโย ฯ ปวตฺติปิ ปฏิสนฺธิปิ ทีเปตพฺพา ฯ